प्रलोभनमा परि धर्म परिवर्तन गर्न नहुने

मोरङ / नेपाली कांग्रेसका नेता तथा प्रतिनिधिसभाका सांसद डा. शेखर कोइरालाले प्रलोभनमा परेर धर्म परिवर्तन गर्न नहुने बताएका छन् ।

मोरङको सुन्दरहरैंचा स्थित सलकपुरमा निर्माण भएको पाथिभरा देवीमाताको मन्दिर उद्घाटनमा  कोइरालाले संविधानमा र्नै प्रलोभनमा धर्म परिवर्तन गर्न नपाइने उल्लेख गरिएको बताए

उनले “सनातनकालदेखि मान्दै आएको धर्म र संस्कृतिको संरक्षण र सम्वद्र्धन गर्ने, राष्ट्रिय जनावर गाई र तेस्रो महत्वपूर्ण कुरा प्रलोभनमा धर्म परिवर्तन गर्न पाइँदैन यदि कसैले गरे दण्डनीय हुनेछ भनेर विधानमै उल्लेख रहेको बताए ।

कोइरालाले आफूलाई पनि डाक्टर अध्ययन सकेपछि धर्मपरिवर्तनका धेरै प्रस्ताव आएको बताउदै सनातन हिन्दू धर्ममाथी चारैतिरबाट आक्रमण भइरहेको समेत बताए । नेता कोइरालाले धर्म,संस्कृति र रीतिरिवाजलाई बचाउन सकेमात्रै मुलुक सभ्य हुने दाबी गरे।

“धर्म, संस्कृति र रीतिरिवाज बचाउन नसक्दा सभ्य,अनुशासन समाज बन्न नसकने कोइरालाले प्रस्टाए “सभ्य र अन्शासन समाज नभई सभ्य र सुसंस्कृति राष्ट्र बन्न नसक्ने बताए ।कोईरालाले भौतिकवादलाई आध्यात्मिकसित जोडेर जानुको विकल्प नभएको समेत उल्लेख गरे ।

कार्यक्रममा पूर्वमन्त्री रामकुमार लिम्बू, कोशी प्रदेशका पूर्वसांसद लोकप्रसाद संग्रौला, पण्डित रामकृष्ण उपाध्यायलगायतले सनातन हिन्दू धर्मको संरक्षणमा सबै लाग्नुपर्नेमा जोड दिए ।

४ कठ्ठा २ धुर जग्गामा करिब १ करोडको लागतमा मन्दिर निर्माणभएको छ । मन्दिरस्थलमा बुधबारदेखि जेठ ४ गतेसम्म श्रीमद भागवत नवाह ज्ञान महायज्ञ सुरु भएको छ ।