धनकुटा / धनकुटामा सहिद भीमनारायण गोल्डकप फुटबल प्रतियोगिता उद्घाटन आज हुने भएको छ । धनकुटाको टुँडिखेल मैदानमा दिउँसो २ बजे हुने प्रतियोगिताको उद्घाटन धनकुटा नगरपालिकाका नगर प्रमुख चिन्तन तामाङले गर्नेे आयोजकले बताएका छन ।
प्रतियोगिता उद्घाटन समारोह पश्चात खेल करिब दिउँसो ३ बजेबाट सुरु हुने प्रचारप्रसार समिति संयोजक विदुर खवासले बताएका छन। पहिलो चरणको उद्घाटन खेलमा आयोजक टिम धनकुटा र पेमा युवा क्लव विराटनगरबीच प्रतिस्पर्दात्मक खेल हुने । सहिद भिमनारायण स्मृति प्रतिष्ठानले आयोजना गरेको प्रतियोगिता जेठ २ गतेसम्म सञ्चालन हुनेछ ।
प्रतियोगिताको उपाधिका लागि ८ टिमको सहभागिता रहने छ। जागृती फुटवल क्लव सुनसरी,राष्ट्रिय झापा फुटवल क्लव,भारतको सिलगुडीस्थित कञ्चनजंगा फुटवल क्लव, प्लानिङ ब्वाईज क्लब काठमाण्डौ, एपीएफ काठमाण्डौ र विरगञ्ज युनार्यटेड समेत प्रतियोगितामा सहभागि छन्। प्रतियोगिताको विजेताले ५ लाख र उपविजेताले २ लाख ५० हजार पाउँने आयोजकले जनाएको छ ।
