विजयपुर / बैंकहरुले सर्वसाधारणको सजहताका लागि एटिभएम कार्ड प्रयोगमा ल्यायो ।
यतिमात्र हैन पछिल्लोसमय बैंकहरुले मोवाइल बैंकिङ कारोबार पनि सञ्चालन गरेकोछ । तर प्रभावकारी नहुदा सर्वसाधारणले सास्ती भोग्नु परेको छ ।सर्वसाधारणले विना झन्झट, घण्टौ लाइनमा बस्नु नपरोस् भनेर यस्ता सुविधा ल्याएका हुन् । तर पछिल्लो एनआइसी एसिया बैंकको धरान शाखाले सञ्चालन ल्याएको एटिएम मेसिनमा कहिले पैसा सकिएर नचल्ने, कहिले प्राविधिक समस्याले नचल्ने गर्दा सेवाग्राहीरुमा मारमा परेका छन् ।
आइतबार पनि बैंक परिषरमा राखेको दुई वटा एटिएम मेसिनमध्य एउटा मेसिनको सर्वरै डाउन भएर नचल्ने अवस्थामा रहेको थियो । एउटा बिग्रेको र अर्को सञ्चालन भएकोमा पनि घण्टौ लाइनमा बस्नुपर्ने बाध्यता भएको उनीहरुले दुःखेसो पोखेका थिए । प्रायः जसो पैसा झिक्न आउँदा एटिएम मेसिन बिग्रिएको अवस्थामा रहने उनीहरु बताउँछन् ।
धरान १५ की विमला श्रेष्ठ सहजताका लागि एटिएम कार्ड लिए पनि पैसा झिक्ने बेलामा झन्झट हुने गरेको बताइन् । उनले भनिन्–‘सहजताका लागि हामीले एटिएम कार्ड लिएका होै, बार्षिक रुपमा हामीबाट एटिएम कार्ड रिनोको लागि ४ सय रुपैया लिने गरेको छ, तर सहज रुपमा कहिल्यै रकम झिक्न पाइएन ।’
धरान बाहिर जाने काम परेकोले एटिएमबाट पैसा झिकेर त्यही योजना बनाएर हिडेको भए पनि रकम निकाल्न नपाएको गुनासो श्रेष्ठको छ ।यस्तै भनाई अर्का सेवाग्रही रमेश राईको छ । उनी भन्छन्–अपरझट पैसाको काम पर्दा एटिएम कार्ड प्रयोग गर्ने हो, एटिएम कार्ड भएकै कारण मैले चेक बुक समेत लिएको छैन, चाडो काम हुन्छ भनेर एटिएम लिएको तर जहिल्यै बिग्रिएकोमात्र हुन्छ ।
यस विषयमा एनआइसी शाखा धरानकी कर्मचारी अमृता श्रेष्ठले एटिएम मेसिन समय समयमा बिग्रिने भए पनि चाडो समस्या समाधान गर्ने गरेको बताइन् । उनले भनिन्–‘कहिले पैसा सकिने, कहिले सर्भर नचल्ले लगायतका समस्या भएपनि त्यो समस्या लामो समयसम्म हुँदैन, बैंकले त्यसको समाधान गरिहाल्छ ।