सुनसरी / विकासको गतिलाई हेर्ने हो भने सुनसरी अन्य स्थानी तहभन्दा इटहरी उपमहानगरपालिकाले विकासको फड्को चाडो मारेको हो । इटहरी गाविसबाट, नगरपालिका, नगरपालिकाबाट उपमहानगरपालिका बनिसक्दा पनि एउटा सार्वजनिक शैचालय थिएन ।
शौचालय नहुदा इटहरी भएर जाने वा आउने यात्रुहरुलाई सबैभन्दा ठूलो समस्या थियो । सार्वजनिक शौचालय नहुदा आलोचना खेप्दै आएको उपमहानगरपालिकाले उपमहानगरपालिकको लगानीमा निर्माण सम्पन्न भइ बुधबारबाट सञ्चालनमा ल्याएको छ ।
पुर्वलाइनको बस स्टेण्ड छेउमा निर्माण गरिएको शौचालयले यात्रुहरुलाई सहज हुने इटहरीका मेयर हेमकर्ण पौडेलले बताए । उनले भने–‘यस्तो व्यस्त सहरमा एउटा पनि सार्वजनिक शौचालय थिएन, सार्वजनिक शौचालय नहुदा सर्वत्र आलोचना भइरहेको थियो,
आफू निर्वाचित भएपछि शौचालयको काम शुरु गरेको थिए, एक साताभित्रै इटहरीको मुख्यचोकको पनि शौचालय सञ्चालन हुन्छ ।’
