इलाम / इलामको सन्दकपुर गाउँपालिका ३ सुलुबुङका लोकु पाठकको आँगनमा बुधबार आफन्त र गाउँले भेला भएका थिए । विहीबार जेठी छोरी पुजाको विवाहको तयारीकालागी अघिल्लो दिन सबै भेला भए ।
जग्गे, गेट, मन्डप तयारी भईरहेकोे थियो । घरको एउटा कोठामा वेहुलीको माला उनिँदै थियो । सँगै बेहुली सिँगार्ने टिम पनि व्यस्त थियो । विवाहको दिन आउने पाउनाको लागि चुल्होमा सेल रोटी पाक्न थाल्योे । तर एक्कासी घरमा लागेको आगोले वैवाहिक कार्यक्रम मात्र रोखिएन श्रीसम्पत्ति नै स्वाहा भयो ।
विवाहको तयारी भएको हुँदा धेरै मानिस भेला भएपनि स्थानीयले अनेकन प्रयास गरे तर दन्किएको आगो नियन्त्रण गर्न सकेनन् । रमझम साथ विवाहको तयारी शुरु भएको पाठक परिवारमा मध्यान्नको एकैछिन दन्केको आगोले सबै खुसि खोस्यो ।
आगलागीको क्रममा दुईवटा ग्यासको सिलिण्डर पड्कीएको स्थानीय खेमराज ढकालले बताए । ‘सिलिण्डर निकालेर फाल्न खोजे सकिन नजिक रहेका दुबै पड्किए । आगलागीको कारण घरमा रहेको सबै समान जलेर नस्ट भए । घर खरानी भएपछि पाठक परिवार दाजु मात्रिका पाठकको घरमा बस्दै आएका छन । प्रहरीले ३० लाख क्षती भएको जनाएको छ