मोरङ / विराटनगरका अधिकांश मासु पसल सञ्चालकले तोकिएको मापदण्ड पूरा नगरी सञ्चालन गरेको पाइएको छ ।
विराटनगर महानगरपालिकाले गरेको अनुगमनका क्रममा तोकिएको मापदण्डविपरीत मासु पसल सञ्चालन गरेको पाइएको हो । आर्थिक विकास समितिका संयोजक श्याम घिमिरे नेतृत्वको टोलीले मंगलबार विराटनगर ८, ९ र १० वडा नम्बरमा सञ्चालित आधा दर्जनभन्दा बढी मासु पसलको अनुगमन गर्दा यस्तो पाइएको होे ।
संयोजक घिमिरेका अनुसार अनुगमनका क्रममा कतिपय पसलले वध गर्ने र बिक्री कक्षसँगै रहेको, राम्ररी सिसा नलगाएको, झिंगा भन्किएको भेटिएको थियो ।
उपभोक्ताले सफा,स्वच्छ मासु उपभोग गर्ने अधिकार भए पनि अनुगमन नहुदा मासु पसल सञ्चालकहरुले अनुगमनका क्रममा मापदण्ड विपरीत पसल सञ्चालन गरेको पाइएको विराटनगर १९ का अध्यक्षसमेत रहेका समितिका संयोजक घिमिरेको बताए ।उनले महानगरले सञ्चालन गरेका विभिन्न अभियानअन्तर्गत माछामासु पसलको अनुगमनलाई तीव्रता दिएको उल्लेख बताए ।
अनुगमनका क्रममा मासुको गुणस्तर,पसलको व्यवस्थापन,दर्ता,नविकरणलगायतका कुराहरुलाई हेरिएकोे महानगरको पशुपंक्षी शाखा प्रमुख शुभनारायण यादवले जानकारी दिऐ। अनुगमन टोलीले दर्ता र नविकरण नगरेका पसललाई १५ दिनभित्र दर्ता र नविकरण गर्न अल्टिमेटमसहितको पत्र दिएको थियो ।
