धनकुटा । धनकुटाको पाख्रिबास स्थित जालपादेवी क्याम्पस समेत संचालन भइरहेको जालपादेवी प्राविधिक शिक्षा तथा व्यवसायिक तालिम परिषदको हाताभित्रै लाजमर्दो दृश्य देखिएको छ ।
क्याम्पसको प्रमुख प्रबेशद्वारको नजिकै यत्रतत्र कण्डमहरु फ्यालिएको छ । परिसरभित्रै रहेको सरस्वती मन्दिर वरपर पनि उक्त दृश्य देख्न सकिन्छ । केही प्रयोग गरिसकेका र केही त्यतिकै फ्यांकिएको अवस्थामा फेला पारिएको हो ।
शिक्षालय जस्तो पवित्र स्थल छेउछाउ यस्तो दृश्य भेटिनुले बिद्यार्थीहरुलाई नै लाज मान्दै हिंड्नु पर्ने अवस्था सिर्जना भएको छ । क्याम्पस हाता सरसफाइको क्रममा उक्त दृश्य देखिएको हो ।
यस बिषयमा बुझ्दा जालपादेवी प्राविधिक शिक्षा तर्फका कार्यक्रम संयोजक राजेन्द्र राईले यस्तो कार्य हुनु राम्रो पक्कै होइन तर क्याम्पस परिसरमा कुनै तारबार नभएको र हाताभित्रको नयां भवनहरु निर्माणाधिन अवस्थामा रहेकोले पनि प्रबेश द्वार अहिले खुल्लै राखिएकोले विद्यार्थीहरु नभइ अरु कोहीले यस्तो कार्य गर्न सक्ने बताए । बिद्यार्थीहरु यदि यस्तो कार्यमा संग्लग्न रहेको प्रमाण भेटिए उनीहरुलाई आवश्यक कारवाही गरिने पनि राईले बताए ।