धरान/ नेपाल बास्केटवल संघको सहकार्यमा काठमांडौ ललितपुरमा भइरहेको प्लस टु लेवल अक्सव्रिज थ्री वाइ थ्री बास्केटवल प्रतियोगितामा धरान १२ स्थित धरान मेघा हिमालयन कलेजका बास्केटवल टिमले सहभागिता जनाएको छ ।
शनिबार देखि शुरु भएको प्रतियोगितामा धरान मेघा कलेजले एक खेलमा जित र एक खेलमा पराजित भएर प्रतियोगिताको टप १४ मा पुग्दै प्रतियोगिताको नकआउट चरणमा प्रवेश गरेको छ ।
प्रतियोगिता उदघाटनको दिन शनिबार भएको खेलमा धरान मेघाले काठमांडौको ओमेगालाई १२–६ अंकको अन्तरले पराजित गरेको थियो । यसै गरि काठमांडौकै नामि संग ८–४ अंकले पराजित भए ।
धरान मेघा कलेज बास्केटवल टिमको प्रतिनिधित्व गर्दै धरान मेघा कलेजका प्रिन्स राई, डेनिस लिम्वु, पारुहाङ लिम्वु, तोङहाङ लिम्वु र प्रशिक्षक तथा व्यवस्थापकमा प्रदेश १ का महिला बास्केटवल खेलाडि आस्था राई र निवा लिम्वुले सहभागिता जनाएका छन् ।
सहभागि खेलाडि तथा प्रशिक्षकलाई धरान मेघा कलेजका अध्यक्ष कैलाश लिम्वुले सफलताको सुभकामना दिदै विहिवार विदाई गरेका थिए ।
विदाइको क्रममा मेघा कलेजले प्रतियोगितामा जितहार भन्दा पनि विद्यार्थीहरुलाई अतिरिक्त क्रियाकलापमा सहभागित गराई उनिहरुलाई प्रोत्साहन र अवसर प्रदान गर्नु महत्वपुर्ण रहेको अध्यक्ष लिम्वुले वताए ।
प्रतियोगितामा २२ वटा टिमले सहभागिता जनाएको छ । काठमांडौ वाहिर वाट धरानको मेघा कलेजको मात्र सहभागिता रहेको छ ।
