_1693980289.gif "#")
विराटनगर/ महेन्द्र मोरङ आदर्श बहुमुखी क्याम्पस विराटनगरले आफ्नो ६९ औं स्थापना दिवस मंगलबार मनाएको छ । उक्त अवसरमा कजेजका उत्कृष्ट तीन प्राध्यापक र दुई कर्मचारीलाई सम्मानित भएका छन ।
सम्मानित हुने प्राध्यापक यामनाथ पौडेल, डा. शशितकुमार यादव र विजयहरि खतिवडा रहेका छन भने कर्मचारी तर्फ अनिल कणर् र दामोदर कोईराला सम्मानित भए छन । उनीहरुले आफ्नो जिम्मेवारी निष्ठापूर्वक पूरा गरी उत्कृष्ट कार्य गरेको भन्दै सम्मानित गरेको क्याम्पस प्रमुख डा. बाबुराम तिमल्सिनाले बताए ।
उक्त कार्यक्रमका प्रमुख अतिथि लोकसेवा आयोगका पूर्व सदस्य एवम् पूर्वाञ्चल विश्वविद्यालय सेवा आयोगका पूर्व अध्यक्ष प्रा .डा. कृष्ण पोखरेले क्याम्पस प्रमुख डा. बाबुराम तिमल्सिना, डा सुशील अधिकारी ,सहायक प्रमुख शिवनारायण चौधरी र उमेश यादव, प्राध्यापक एकाई संघका अध्यक्ष डा.प्रमोद खेरवारले सम्मान गरेका थिए ।
कार्यक्रममा बोल्दै प्रा. डा. पोखरेलले विश्वविद्यालयको पढाईमा गुणस्तर भए र सरकारद्वारा सहज रोजगारको व्यवस्था भए युवाले पढ्न र रोजगारीको लागि विदेश जानु नपर्ने बताए । उनले मोरङ क्याम्पसमा नै आफूले पढेको र प्रारम्भिक कालमा प्राध्यापन पनि गरेकोले त्यसबेला वार्षिकोत्सव भव्य हुने गरेको स्मरण गराए ।
सो अवसरमा सहायक क्याम्पस प्रमुख डिल्ली पोखरेलले महेन्द्र मोरङ क्याम्पसकको इतिहास बारे केहि व्याख्या समेत गरेका थिए । पुरस्कृत व्यक्ति छनोट समितिका सदस्य डा. मोहन सुवेदीले उत्कृष्ट प्राध्यापक र कर्मचारी छनोट गर्ने कार्य समितिले निष्पक्ष रुपमा सम्पन्न गरेको जानकारी गराउदै क्याम्पसको विकास र प्राज्ञिक उन्नयनको लागि प्राध्यापक र कर्मचारी सबैको उतिकै महत्पुर्ण भूमिका रहेको बताए ।
स्ववियू सभापति जसवन्त पौडेलले क्याम्पसको वार्षिकोत्सव विद्यार्थीका लागि पनि हुनु पर्नेमा जोड दिए । सम्मानित प्राध्यापक यामनाथ पौडेलले सम्मानले सम्मानित हुने सबैमा जिम्मेवारी अझ बढेको महशुस गरेको बताउदै कलेजलाई धन्यवाद दिएका छन।महेन्द्र मोरङ आदर्श बहुमुखी क्याम्पस २०१२ साउन १६ गते स्थापना भएको र सोही अवसर र मितिको आधारमा विगत पाँच वर्षदेखि क्याम्पसले साउन १६ गते स्थापना दिवस उत्कृष्ट प्राध्यापक र कर्मचारी सम्मान गरी मनाउदै आएको छ ।
