_1693980289.gif "#")
बिराटनगर/ बिराटनगर स्थित एस्पायर कलेजले गुरु पुर्णिमाको अवसरमा गुरु सम्मान कार्यक्रम आयोजना गरिएको छ ।
बिद्यार्थीहरुको तर्फबाट आयोजना गरिएको कार्यक्रममा कलेजमा अध्यापनरत गुरुहरुलाई उपहार सहित सम्मान गरेका हुन ।
कार्यक्रममा नृत्य , गायन , कविता वाचन सहितको कार्यक्रम आयोजना गरेर बिद्यार्थीहरुले गुरु पुर्णिमा मनाएका छन् ।
कार्यक्रममा गुरुको महिमा बारेमा बिद्यार्थीहरुले तयार पारेको प्रवचन समेत प्रस्तुत गरिएको थियो भने गुरु बन्दना समेत वाचन गरिएको थियो ।
बिद्यार्थीहरुले शिक्षकहरुलाइ पुष्प गुच्छा र खादा तथा उपहारद्वारा सम्मानित गरेका थिए । बिद्यार्थीहरुले गरेको कार्यक्रम उत्कृष्ट रहेको कलेजका प्रमुख चिन्तामणि बस्नेतले बताए ।
बिगत २ दशक देखि प्राध्यापन पेशामा रहे पनि यसरी सम्मानित हुने अवसर पहिलो पटक प्राप्त गरेको र यसले आफुलाइ भावुक बनाएको बताउदै बिद्यार्थी र शिक्षकको सम्बन्ध माथी चर्चा गरेका थिए।
कलेजका आइटीको अर्डिनेटर खेमनाथ खतिवडाले बिद्यार्थी र शिक्षक बिचको सम्बन्धमा आधारित कविता वाचन गरेका थिए ।
आइ टि संकायका सक्षम सुवेदी र सन्तोष नेम्बाङले कविता वाचन गरेका थिए भने , प्रनिशा , कृतिग्या , रिबो र स्वेताले नृत्य प्रस्तुत गरेका थिए ।
त्यस्तै होटल म्यानेजमेन्ट संकायका मिरा द्वारा नृत्य र सुगन्ध लगायतको टिम द्वारा गायन प्रस्तुत गरिएको थियो ।
कार्यक्रमको संचालक बिनम पौडेल रहेका थिए । सुशान्त नेपालले उपस्थित सबैलाई स्वागत गरेका थिए भने गौरव दाहालको सभापतित्वमा कार्यक्रम सम्पन्न भएको थियो ।
