विजयपुर/ कोशि प्रदेश सरकारको सहयोग र धरान उपमाहानगरपालिका समन्वय र सहजिकरणमा धरानका युवा तथा महिलाहरुलाई स्वरोजगारमुखी तालिम प्रदान गरिएको छ
धरानका महिलाहरुलाई लक्षीत गरि कपडाको व्याग, ढाकाको व्याग र टेडिवेयर बनाउने एक हप्ते तालिम प्रदान गरिएको हो ।
तालिमको आईतबार समापन गरिएको छ ।
पकलि टेक्नोलोजी इन्स्टिच्युट प्रा.लि.को आयोजनामा भएको तालिममा १५ जना महिलाहरुले सहभागी जनाएका थिए । तालिमको प्रशिक्षक हातेमालो महिला सामुहिक डम्बर कुमारी श्रेष्ठ, विन्दु बास्तोला र रोशनि राई रहेका थिए ।
समापन कार्यक्रमको प्रमुख अथिती प्रदेशसभा सदस्य यशोदा कायस्थले आजको आवश्कता समृद्ध नेपाल सुखि नेपाली बनाउन उद्यमशिलको आवश्यकता भएकाले युवा र महिलाहरुले स्वरोजगारमुखी बनाउन आवश्यक रहेको बताइन् ।
उनले भनिन्, देशमा नै केहि गर्ने सकुन, रोजगारीका लागि विदेश पलाएन हुन नपरोस भने उदेश्यले विशेषगरी महिलाहरुलाई उद्यमशिल र सशक्तित्करण बनाउने उदेश्यले प्रदेश सरकार संग बारम्बार पहल गरेर बजेट ब्यवस्था गरिएको छ ।
प्रदेश सरकारले ७ लाख बजेट धरान नगरपालिकामा वियोजन गरेर विभिन्न सिपमुलक कार्यक्रम ल्याएको उनले बताइन् ।
बजेटबाट ३ वटा तालिम गराएको उनको भनाइ छ ।
३ लाख लागतमा व्याग र टेडिवेयर तालिम, ईलेक्ट्रोनिस, ब्युटीपार्लर, वरमाला र सुकुटिको अचार बनाउने एक एक लाख गरी ७ लाख लागत लागेको उनले बताइन् ।
समापन कार्यक्रममा धरान उपमाहानगरपालिकाका आर्थीक विकास अधिकृत भक्तीराज शर्मा, धरान वडा नम्बर १२ की वडा सदस्य तथा कार्यपालिका सदस्य विनिता बज्राचार्य, पकलि टेकनोलोजी इन्टिच्युट प्रा.ली.का निर्देशक बलराम दाहाल , प्रशिक्षक डम्बर कुमारी श्रेष्ठ, नेवा देयदबुका नगर अध्यक्ष मनोहर शाक्य, मोहन श्रेष्ठको उपस्थीति रहेको थियो ।