_1693980289.gif "#")
धरान / धरानमा दुई दिने दोस्रो अन्तर्राष्ट्रिय धरान साहित्य तथा साँस्कृतिक पर्यटन महोत्सव आजबाट शुरु भएको छ ।
साहित्य, कला, सँस्कृति प्रतिष्ठान धरान उपमहानगरपालिका वडा नं. १३ को आयोजनामा आषाढ १६गते सम्म चल्ने महोत्सवको उद्घाटन गरिएको छ ।
गत बर्षको प्रथम अन्तर्राष्ट्रिय धरान साहित्य तथा साँस्कृतिक पर्यटन महोत्सवको सफलताबाट उत्साहित भएका आयोजकले यसलाई पुन: निरन्तरता दिनकै लागि महोत्सवको आयोजना गरेको जनाएको छ ।
साहित्य, कला सँस्कृति प्रतिष्ठानको संरक्षक वडा नं. १३ का वडाध्यक्ष नेत्रप्रसाद काफ्लेलेका अनुसार भारतबाट ४५ जना, भुटानबाट १ जना, बर्माबाट २ जना साहित्यकारको धरानमा जमघट भएको छ ।
पर्यटनको माध्यमबाट कला, साहित्य र पर्यटनको प्रवद्र्धन गर्न गठन भएको प्रतिष्ठानको संयोजक बरिष्ठ कवि बम देवान रहेका छन् ।
महोत्सवमा आउनु हुुने भारत, भुटान, बर्माका कवि कवियत्रीहरुलाई आयोजकले आषाढ १४ गते नेपालको पूर्वी नाका काँकडभिट्टा पुगेर स्वागत गरेको थियो ।
उनीहरुसँग दमकमा छोटो साहित्यिक कार्यक्रम, मोरङको बेतनामा साँस्कृतिक कार्यक्रम सम्पन्न गरेर मोरङकै झोडाहाटमा पुन:छोटो. साहित्यिक कार्यक्रम गरी धरान पुगेको हो ।
आज धरानको छाताचौकबाट विभिन्न साँस्कृतिक झाँकीसहित कार्यक्रम स्थल लक्ष्मी बैंककेट्ससम्म पुगेर कार्यक्रम शुभारम्भ भएको थियो ।
समुद्घाटनसँगै कार्यक्रमा पुस्तक विमोचन समेत भएको थियो ।संस्थाबाटै प्रकाशित गरेको इन्दु नेपाल योञ्जनको अन्तिम सेलो कविता संग्रह विमोचन गरिएको हो ।
