_1693980289.gif "#")
धरान/ मन्दिरको अस्तित्व जोगाउन धर्मालम्बीहरुले स्थानीय स्तरबाट धेरै प्रयास थाल्ने गरेका छन् । यसै क्रममा धरान ३ मा रहेको लक्ष्मी नारायण मन्दिर परिषरभित्र अर्को मूर्ति स्थापना भएको छ ।
हिन्दु सनातन धर्मालम्बीहरुको आस्थाको केन्द्रको रुपमा रहेको अष्टचीरञ्जिवी तथा नवग्रहको मूर्ति स्थापना भएको हो ।
स्थानीय मन्दिर निर्माण समितिका संयोजक एवम् समाजेवी पितृरुमल अग्रवालको पहलमा मन्दिरको आवश्यता महसुस गरी स्थापना गरिएको हो ।
संयोजक अग्रवालका अनुसार लक्ष्मी नारायण मन्दिरसँगै अष्टचिरञ्जिवी तथा नवग्रहकोको मूर्तिको आवश्यकता महसुस गरी मूर्ति निर्माण गरिएको बताए ।
उनले भगवान नवग्रहको मन्दिर सुनसरी जिल्लामै नभएकोले निर्माण गरिएको बताए । उनले यो मन्दिरमा आएर पूजा गर्दामात्र ग्रह दशा हटेर भाग्य बलवान हुने बताए ।
धरान ३ मा लक्ष्मी नारायण मन्दिरको स्थापना भएको थियो । खड्कुमारी ताम्राकार माताले स्थापना गरेकी थिइन् ।
दुई कटठा क्षेत्रफलमा निर्माण भएको यो मन्दिरमा अष्टचिरञ्जीवि तथा नवग्रहको मूर्ति समेत निर्माण गरिएको लक्ष्मी नारायण मन्दिर व्यवस्थापन समितिका अध्क्ष केशव अधिकारीले बताए ।
स्थानीय दाताहको सहयोगमा स्थापना भएको यो मूर्ति ४० लाखको निर्माण भएको हो ।
पूजारी गोविन्दप्रसाद ढुंगेलले पश्चिमा संस्कृतिले समाजलाई गाँजेको समयमा धार्मिक संस्कार सँस्कृति लोप हुदै गएको अवस्थामा यो मूर्ति स्थापनाले संरक्षणमा केही सहयोग पुग्ने उनले बताए ।
