_1693980289.gif "#")
सुनसरी / गत बुधबार बसेको कोशी प्रदेश मन्त्रिपरिषद् बैठकले भाषा, साहित्य तथा कला तर्फ योगदान पुर्याएका श्रष्टाहरुलाइ सम्मान गर्ने निर्णय गरेको छ ।
बैठकले प्रदेशका विभिन्न जिल्लामा रहेर भाषा, साहित्य तथा कलामा योगदान पुर्याएका श्रष्टालाइ सम्मान गर्ने निर्णय गरेको हो ।
बैठकले एक लाख रुपैया राशीको सर्वोकृष्ट भाषा साहित्य सम्मानतर्फ बम बहादुर राई (सुनसरी) र सर्वोकृष्ट कला र संस्कृति सम्मान तर्फ प्रा. डा. सोमप्रसाद खतिवडा (मोरङ) रहनु भएको छ ।
त्यसैगरी पचास हजार रुपैया राशीको उत्कृष्ट भाषा, साहित्य, कला र संस्कृति तर्फ बैजयन्ती मिश्र (मिश्र बैजयन्ती) , भाषा, सहित्य तर्फ राधिका गुरागाई, शंकर चापागाइ
(धनकुटे कान्छा) मैथिली संस्कृति तर्फ बसुन्धरा देबी झा, साहित्य तर्फ मिनकुमार श्रेष्ठ ‘नवोदित’, संगीत गायन तर्फ साजन सन्ध्या राई , नृत्य अभिनयमा संगीता कुमारी यादब, भाषा साहित्यमा गणेश कुमार राई, भाषा अनुसन्धानमा लक्ष्मी कुमार सेर्मा, ललितकलामा डिल्ली कृष्ण आले, साहित्यमा वियोग सापकोटा, भाषा साहित्यमा नरपति पाण्डे रहनु भएको छ ।
त्यसैगरी २५ हजार रुपैया राशिको नवोदित भाषा, साहित्य, कला र संस्कृति तर्फ मिलन नेपाली (रंगकर्मी/नाटक), युमन खालिङ राई (मनुहाङ किराती) किराती साहित्य, मनिषा आचार्य (साहित्य), विमला राई (केयरलेस) भाषा/साहित्य र पुरुषोत्तम नेपाली लाई (गितकार) विधामा सम्मान गर्ने निर्णय गरिएको छ ।
