_1693980289.gif "#")
धरान / जनताको बहुदलिय जनबादको प्रणेता स्वर्गीय मदन भण्डारीको ७२ औ जन्मोत्सबको अवसरमा धरानमा नेपाल उत्पीडित मुक्ती समाज कोशी प्रदेश कमिटिले बिचार गोष्ठीको आयोजना गरेको छ ।
उनको २००९ साल असार १४ गते ताप्लेजुङ्को ढुङेसाघुमा जन्म भएको थियो ।
न बिश्वमै कम्युनिस्ट आन्दोलन शिथिल हुँदै गएको समयमा नेपालमा माक्सबादलाइ स्थापित गर्न जनताको बहुदलिय जनबाद सिद्धांत प्रतिपादन गरेर कम्युनिस्ट आन्दोलनलाइ उचाईमा पुर्याएका थिए । बर्सेनि उनको जन्म दिवसमा विभिन्न कार्यक्रम गरि नेकपा एमालेले सम्झने गरेको छ ।
यश वर्ष एमाले निकट मुक्ती समाज कोशी प्रदेश कमिटिले भण्डारीको ७२ औं मदन जयन्तीको अवशरमा नेपाली राजनीतिमा जननेता मदन भण्डारीको योगदान र जनताको बहुदलीय जनवादको सान्र्दभिकताझ बिषयक बिचार गोष्ठीको आयोजना गरेको हो ।
बिचार गोष्ठीमा पार्टीका स्थायी कमिटी सदस्य गुरु बरालले जननेता भण्डारीको जबजको सिद्धांत अनुसार दलित समुदायको मुक्ति सम्भव भएको बताए ।
जनताको मुक्तीदाता जनतानै भएको सिद्धान्त प्रतिपादन गरेर जनतालाइनै सर्बोपरी बनाएको बरालले बताए ।
जबजको सिद्धांत अनुसार समाजबाद तर्फ अघि बढ्न जनताको भुमिका र मुक्ती समाजको भुमिकाको बिषयमा जानकारी गराएका थिए ।
त्यसै गरि गोष्ठीमा कोशी प्रदेश कमिटी अध्यक्ष तुलसी न्यौपानेले जननेता भण्डारीले बिस्वकै कम्युनिस्ट आन्दोलनमा खेलेको भुमिका र नेपालको हरेक परिवर्तनको आन्दोलनमा जबजको सिद्धान्तले खेलेको भुमिकाको बिषयमा चर्चा गरेका थिए ।
गोष्ठीमा एमालेका प्रदेश कमिटी सचिवालय सदस्य मुरारी सुबेदी, मुक्ती समाजका केन्द्रीय उपाध्यक्ष अनुभुतिबम नेपाली, महासचिव खेम नेपाली, एमाले धरान नगर इन्चार्ज नारायण सुबेदी, नगर अध्यक्ष हर्कजङ एभेङ्ले जननेता भण्डारीको योगदानको बिषयमा चर्चा गरेका थिए ।
मुक्ति समाज धरान नगरको संयोजनमा भएको कार्यक्रमको अध्यक्षता प्रदेश कमिटी अध्यक्ष उमेश बिश्वकर्माले गरेका थिए ।
