_1693980289.gif "#")
धरान / लगातारको बर्षाद्का कारण पूर्वी पहाडी जिल्लाका विभिन्न भागमा क्षतिसँगै मानवीय क्षति पुर्याएको भन्दै धनकुटा नगरपालिकाले नदी किनारामा बस्ने सर्वसाधारणलाई शतर्क रहन आग्रह गरेको छ ।
बाढी र पहिरोबाट सचेत रहन नगरपालिकाले सूचना प्रकाशित गर्दै आग्रह गरेको हो ।
नगरपालिकाले विशेष गरी अरुण नदी तथा आसपासका खोलामा लगातारको बर्षाले जोखिम बढ्दै गएकोले यस्ता स्थानमा बस्ने सर्वसाधारणलाई सचेत हुन आग्रह गरेको छ ।
महालक्ष्मी नगरपालिकका प्रमुख धुव्रराज रायले महालक्ष्मी नगरपालिकाको तल्लो भागमा बस्ने सर्वसाधारणलाई अरुण नदीले क्षति पुर्याउने सम्भवना भएकोले यस्तो आग्रह गरेको बताए ।
उनले भने–‘नदीमा आएको बाढीले जुनसुकै बेला पनि क्षति पुर्याउन सक्छ, अहिले नै सचेत हुन सके ठूलो धनजनको क्षति हुन पाउदैन ।’
यसैगरी साँगुरीगढी गाउँपालिकाले पनि नदी किनारमा बस्ने सर्वसाधारणलाई सचेत गराएको छ । नदीमा जतिबेला पनि पानीको सतह बढेर क्षति पुर्याउने भएकोले गाउँपालिकाले यस्तो आग्रह गरेको हो ।
गाउँपालिकाका अध्यक्ष जितेन्द्र राईले भने–‘बर्षादको समयमा बाढी र पहिरोको जोखिम धेरै हुन्छ, पछिल्लो समय पूर्वी पहाडी क्षेत्रको केही जिल्लामा धनजनको क्षति पुगेको छ, धनकुटामा पनि यस्तो सम्भावना बढी देखिन्छ, अहिले नै सचेत हुन हामीले सर्वसाधारणलाई आग्रह गरेका हौं ।’
त्यस्तै धनकुटा नगरपालिका र सहिदभुमी गाँउपालिकाले पनि आफ्ना नदी किनारका बासिन्दालाई सुरक्षित रहन आग्रह गरेको छ । धनकुटाका चार पालिका हुदै अरुण र तमोर नदी बग्ने गरेका छन् ।
उच्च क्षेत्रमा आएको निरन्तर परिरहेको बर्षाका कारण ठूलो धनजनको क्षति नपुगोस् भन्ने अभिप्रायले धनकुटाका यी स्थानीइ तहले आफ्ना नागरिकलाई सचेत गराएको हो ।
_Poush 22_1736170149.jpg "#")
_1734253975.jpg "#")
