राज्यले दिएको हक अधिकार कार्यन्वयनको लागि छलफल

धरान । राज्यले दिएको दलित समुदायको हक अधिकार स्थानीय तहमा कार्यन्वयनका लागि धरान उपमहानगरपालिकाको वडा नम्बर १६ मा १ दिने क्षमता बिकास कार्यक्रम सम्पन्न गरेको छ ।

वडा नम्बर १६ को लक्षित कार्यक्रम अन्तर्गत बिनियोजित बजेटबाट कार्यक्रम गरिएको हो । श्री बिश्वकर्मा कल्याण सेवा समितिको आयोजनामा क्षमता बिकास कार्यक्रम गरिएको छ । वडाका ४० जना दलित समुदायका बिभिन्न क्षेत्रका ब्यक्तित्वहरुको उपस्थिती रहेको थियो ।

कार्यक्रममा दलित समुदायको लागि राज्यले बनाएको नीति तथा कार्यक्रम, विभेद विरुद्धका कानुनहरुको बिषयमा सहजकर्ता बिनोद विश्वकर्माले सहजीकरण गरेका थिए । वडाले बनाउने दलित समुदायको बजेट बिनियोजन गर्दा लक्षित बर्गको आवस्यकता अनुसार हुनुपर्ने सहभागीहरुले जोड दिएका छन् ।

समितिका अध्यक्ष खड्ग कोइरालाको सभापतित्वमा भएको कार्यक्रममा वडाअध्यक्ष मुरारी प्रशाद भट्टराईको प्रमुख आतिथ्यता रहेको थियो । कार्यक्रममा कार्यपालिका सदस्य दिनेश गजमेर, वडा सदस्य मिरा बिश्वकर्मा, सुशिला श्रेष्ठ, भिम लिम्बु, मुकेश घिमिरे लगायतको उपस्थिति रहेको थियो ।