_1693980289.gif "#")
धनकुटा / कामको शिलशलिामा घाइते भएका १७ बर्षीय विवेक राईको उपचारका लागि मलेसियामा विभिन्न कम्पनीमा कार्यरत नेपालीहरुले सहयोग गरेका छन् ।
कुटनी–पिसनी मिलमा काम गर्ने क्रममा धनकुटा नगरपालिका वडा नं.२ का राई गम्भीर घाइते भएका थिए । मलेसियाको जोरबारु स्थित एआर स्टार कम्पनीमा कार्यरत नेपालभरीका १ सय १९ नेपालीहरुले ७१ हजार पाँच सय ३४ रुपैंया सहयोग गरेका हुन् ।
कम्पनीमा कार्यरत साबिक धनकुटा नगरपालिका ९ हाल वडा नं.७ का धनप्रसाद राई र उनका साथिहरु नरेश राई ,बिवश राई र राम प्रसाद राईको बिशेष पहलमा सो रकम संकलन गरिएको हो ।
उक्त रकम सुनिल राईकी श्रीमती सान्ताकुमारी राईले धनकुटा नगरपालिका. ५ बालमन्दिर स्थित बडीआमा धनकुमारी राईको घरमा रहेका पिडित राईलाई हस्तान्तरण गरिएको छ ।राईले धनकुटा ८ का का वडा अध्यक्ष रसबहादुर राईको रोहबरमा नगद हस्तान्तरण गरिएको हो ।
राई आमा बुवाविहीन अवस्थामा छथर जोरपार्टी गाउँपालिा वडा नं. ५ तेलियामा फुपुको घरमा बस्दै आएका थिए ।उनी गएको चैत्र ११ गते दुर्घटनामा परेका थिए । स्थानीय रमेश थापाले सञ्चालन गरेको मिलमा काम गर्ने क्रममा उनी दुर्घटनामा परेका थिए । दुर्घटनामा राईको अण्डाकोषमा गहिरो चोट लागेको थियो ।
हाल धरान स्थित बि.पी.कोइराला स्वास्थ्य विज्ञान प्रतिष्ठामा उपचार गराईरहेका राईको जेष्ट ६ गत अण्डाकोषको शल्यक्रिया हुने चिकित्सकले बताएका छन् ।उनको उपचारमा करिव एक लाख रुपैंया लाग्ने पिडितको बडिआमा धनकुमारी राईले जानकारी दिइन् ।
