धरान / प्रहरी संगठनले जनताको काम गर्न कसैलाई पर्खिनु नपर्ने कोशी प्रदेश प्रहरी प्रमुख प्रहरी बरिष्ठ उपरीक्षक राजेशनाथ वास्तालोले बताएका छन् । आइतबार जिल्ला प्रहरी कार्यालय सुनसरीको कार्यालय निरीक्षणणका क्रममा उनले कार्यरत प्रहरीहरुलाई यस्तो निर्देशन दिएका थिए ।
उनले दिर्नेशनका क्रममा दैनिक काम कारवाहीलाई चुस्त, दुरुस्त बनाएर अपराध नियन्त्रण तथा शान्ति सुरक्षा कायम राख्न अहोरात्र खट्न कार्यरत प्रहरीहरुलाई निर्देशन दिए ।
उनले खुल्ला सिमानाको कारण हुने बिभिन्न अपराधिक गतिविधि, लागुऔषधको प्रयोग र ओसार पसार, चोरी तस्करीका घटनाहरुलाई नियन्त्रण गर्न सिमा क्षेत्रहरुमा कडाईका साथ चेक जाँचको ब्यवस्था मिलाउन समेत निर्देशन दिए ।
उनले प्रहरीले कुनै लोभलालचमा नपरी निस्वार्थ भावनाले जनताको काम गर्न, सवारी दुर्घटना न्युनिकरण, सवारी नियम उलंघन गर्ने सवारी साधनलाई कारवाही र सवारी साधनको प्रयोग गरी हुन सक्ने अपराधिक गतिविधिलाई नियन्त्रण गर्न कडाईका साथ चेकजाँचको ब्यवस्था मिलाउन समेत निर्देशन दिए ।
सो अवसरमा जिल्ला प्रहरी कार्यालय सुनसरीका प्रहरी उपरीक्षक प्रभुराम ढकालले सुनसरी जिल्लाको समग्र बस्तुस्थितिका बारेमा निमित्त प्रदेश प्रहरी प्रमुख बास्तोलालाई जानकारी गराएका थिए ।