धरान / त्रिभुवन विश्वविद्यालयअन्तर्गत होटल म्यानेजमेन्ट पहिलो सेमेस्टरको बोर्ड परीक्षामा दोस्रो हुन सफल विद्यार्थीलाई धरानस्थित युएन नवोदय कलेजले नगद पुरस्कारसहित सम्मान गरेको छ ।
कलेजमा विद्यार्थी अभिभावकबीच औपचारिक कार्यक्रम आयोजना गर्दै होटल म्यानेजमेन्टको पहिलो सेमेस्टरको बोर्ड परीक्षामा दोस्रो स्थान हासिल गरेकी विद्यार्थी करुणा राईलाई बुधबार नगद ३५ हजार रुपैयाँ र पुरस्कारसहित सम्मान गरिएको हो ।
करुणाले ३.९२ जिपिए ल्याई कोशी प्रदेश प्रथम र बोर्डमा द्वितीय स्थान हासिल गरेकी कलेजका प्राचार्य डम्बर तुम्बापोले बताए ।
आयोजित सम्मान कार्यक्रममा पहिलो सेमेस्टरमा ३.८७ जिपिए ल्याएका रोहन लिम्बू, ३.८२ अङ्क प्राप्त गरेकी लिसु लिम्बू कन्दङ्वा र ३.८२ ल्याएकी सन्ध्या लिम्बू थेगिमलाई समेत बधाई ज्ञापन गरिएको छ ।
कलेजले पूर्व परीक्षाको पहिलो, दोस्रो र चौथो सेमेस्टरमा उत्कृष्ट विद्यार्थीलाई समेत बधाई ज्ञापन गरेको छ ।
उत्कृष्ट विद्यार्थीलाई कलेजका अध्यक्ष ज्ञानेश्वर झा, प्राचार्य डम्बर तुम्बापोलगायतले बधाई तथा सम्मान प्रदान गरे ।
