धरान / धरान १२ मा रहेको धरान मेघा हिमालयन कलेजको वार्षिक खेलकुद कार्यक्रम मंगलवार देखि सुरु भएको छ ।
प्रतियो्गितामा ११ कक्षा देखि व्याचलर लेवल सम्मको विद्यार्थीहरुले भाग लिन पाउने स्कुलले जनाएको छ ।
धरान मेघा हिमालयन कलेजका अध्यक्ष कैलाश लिम्वुको अध्यक्षतामा मंगलवार देखि चेस खेलबाट खेलकुद कार्यक्रम शुरु भएको हो । चेस खेलमा महिला र पुरुष दुवै गरेर १६ जना विद्यार्थीहरुले सहभागिता जनाएका छन । खेलकुद कार्यक्रममा चेससंगै बास्केटवल, फुटसल, व्याडमिन्टन, टेवलटेनिस र भलिवल खेल हुने कलेजका एकेडेमिक डाइरेक्टर अर्जुन घिमिरेले जानकारी गराए ।
विद्यार्थीलाई शिक्षासंगै अतिरिक्त क्रियाकलापलाई प्राथमिकतामा राख्दै आएको यो कलेजले अतिरिक्त क्रियाकलापलाई पढाइ संगसंगै अघि वढाउदै आएको अध्यक्ष लिम्वुले वताए । कलेजले अतिरिक्त क्रियाकलाप र अध्यनमा उत्कृष्ट करिव एक सय विद्यार्थीहरुलाई छात्रवृत्ति प्रदान गरिएको उनले वताए ।
कलेजमा ११ कक्षा देखि व्याचलर लेवरसम्म एक हजार विद्यार्थीले अध्यन गरिरहेको छ । इच्छुक विद्यार्थीहरुलाई खेलकुद कार्यक्रममा सहभागिताका लागि एकहप्ता अघि देखि खुला गरिएको थियो । करिव चार सय विद्यार्थीले सहभागिता जनाउने, अध्यक्ष लिम्वुले जनाए । प्रतियोगिताका विजेता तथा उपविजेता खेलाडिहरुलाई ट्रफी, मेडल र प्रमाणपत्र प्रदान गरिने एकेडेमिक डाइरेक्टर अर्जुन घिमिरेले वताए ।