नेवा पत्रकारद्वारा देवघाटका तिर्थालुलाई चियापान

विजयपुर / नेवा पत्रकार राष्ट्रिय दवु चितवनले देवघाटधाममा माघे स्थान र पूजा गर्न आएका भक्तालुहरुलाई चियापान गराएको छ । हरेक वर्ष माघ १ गते देवघाटधाममा माघे संक्रान्ति मेला धुमधाम लाग्ने गर्दछ । उक्त धाममा पूजा गर्ने नेपालका विभिन्न जिल्लाबाट साथै भारतबाट समेत भक्तजनहरु आउने गर्दछन् ।
चिसोको समयमा रातभर जाग्राम बसेर स्नान गरी पूजाआजा गर्ने भक्तजनहरुलाई मध्यनजर गर्दै नेवा पत्रकारले चियापानको कार्यक्रम आयोजना गरेको दवुका जिल्ला अध्यक्ष एवं कार्यक्रम संयोजक अनुज जोशीले जानकारी दिएका छन ।

चियापान कार्यक्रमलाई एस एण्ड पि अडिटिङ कम्पनीले सहयोग गरेको हो । कार्यक्रममा एस एन पि अर्डिट फर्मका सञ्चालक, युवा व्यवसायी एवम् समाजसेवी सूर्य श्रेष्ठले समेत सहयोग गरेका छन् । श्रेष्ठले आगामी दिनमा हुने नेवा पत्रकारहरुको अन्य कार्यक्रमहरुमा समेत आफ्नो तर्फबाट पूर्ण सहयोग रहने बताएका छन् ् ।