_1693980289.gif "#")
ईनरुवा/ सुनसरीको ईनरुवा नगरपालिका–४ स्थित पूर्व–पश्चिम राजमार्गको चिरौलीचोकबाट लागूऔषधसहित दुई युवा पक्राउ परेका छन्। विशेष सूचनाको आधारमा खटिएको प्रहरीले चेकजाँचका क्रममा उनीहरूलाई नियन्त्रणमा लिएको हो। जिल्ला प्रहरी कार्यालय सुनसरी र अस्थायी प्रहरी पोष्ट बसपार्क ईनरुवाबाट खटिएको संयुक्त टोलीले साउन ७ गते साँझ ६:३० बजे ईटहरीबाट ईनरुवा तर्फ पैदल आइरहेका दुई युवालाई चेकजाँच गर्दा साजन श्रेष्ठको साथबाट ३.०६ ग्राम ब्राउन सुगर लागूऔषध फेला पारेको हो। पक्राउ पर्नेमा जिल्ला सुनसरी, ईटहरी उपमहानगरपालिका–१ का २२ वर्षीय साजन श्रेष्ठ र सोही स्थानका २३ वर्षीय कृष्ण मगर
धरान/ कोशी प्रदेश सरकारले लागू गरेको आर्थिक ऐनले सेवाग्राहीलाई राहत दिनुको साटो झन् झन्झट थपिदिएको छ। विशेषगरी मालपोत कार्यालयमा महिलालगायत लक्षित वर्गले जग्गा पास गर्दा पाइने छुट सुविधा लिन अब थप कागजी झमेला बेहोर्नुपर्ने अवस्था आएको छ। ‘घर–घरमा सिंहदरबार’ नारासहित जनमुखी सेवा दिने भनिएको सरकारी व्यवस्था अहिले जनतालाई हैरानी दिने माध्यम बनेको छ। यसअघि नागरिकता वा परिचय खुल्ने कागजात देखाएर सहजै छुट पाइन्थ्यो भने अब भने स्थानीय तहको सिफारिस अनिवार्य गरिएको छ। धरान–६ पानबारीस्थित मालपोत कार्यालयमा इलामबाट आइपुगेकी उर्मिला राईले भनिन्, “महिला हो भन्ने प्रमाण
मोरङ/ फौजदारी कानुनका विविध विषयको आधारभूत तालिम विराटनगरमा सम्पन्न भएको छ। मिति २०८२ साउन १ गते नेपाल बार एशोसिएसनका अध्यक्ष वरिष्ठ अधिवक्ता प्रा डा विजय प्रसाद मिश्रबाट उद्दघाटन भएको फौजदारी कानून सम्बन्धी ७ दिने आधारभूत तालिम आज एक कार्यक्रमका बीच सम्पन्न भएको हो। कानून व्यवसायी परिषदका अध्यक्ष तथा महान्यायाधिवक्ता केशव वडालको प्रमूख आतिथ्यता तथा कानून व्यवसाय परिषद कोशी प्रदेशका पार्षद राजु ढकालको अध्यक्षतामा भएको तालिम समापन कार्यक्रममा उच्च अदालत विराटनगरका माननीय मूख्य न्यायाधीश राजन प्रसाद भट्टराई, कोशी प्रदेशका मूख्य न्यायाधिवत्ता तथा वरिष्ठ अधिवक्ता नारायण वस्ति, मोरङ बार एशोसिएसन
धरान/ धरान उपमहानगरपालिकाका मेयर हर्क साम्पाङको सामाजिक सञ्जालमा गरिएको टिप्पणीले बीपी कोइराला स्वास्थ्य विज्ञान प्रतिष्ठान रुष्ट बनेको छ। ‘पुरानो अस्पताल बीपीले हडपेको’ भन्ने आशयसहित साम्पाङले स्वास्थ्य तथा जनसंख्या मन्त्रालयलाई पठाएको पत्र सार्वजनिक भएपछि विवाद चुलिएको हो। उक्त अभिव्यक्तिलाई प्रतिष्ठानले ‘तथ्यहीन, भ्रामक र बदनियतपूर्ण’ भन्दै कडा आपत्ति जनाएको छ। प्रतिष्ठानका सह–प्रवक्ता डा. अभिजीत कुमारद्वारा जारी विज्ञप्तिमा भनिएको छ, “स्थानीय सरकार प्रमुखजस्तो जिम्मेवार व्यक्तिले ‘हडपेको’, ‘सुटुक्कै लगेको’ जस्ता शब्द प्रयोग
धरान/ घरेलु जग्गा सम्बन्धी विवादले सुनसरीमा एउटा परिवारमा भयावह मोड लिएको छ। देवानगञ्ज गाउँपालिका–२ मा छोराले छुरा प्रहार गरी आफ्नै बाबुको हत्या गरेका छन्। सुनसरी प्रहरीका अनुसार ६० वर्षीय सचिव अन्सारीको हत्या उनका छोरा मोहम्मद रियाज अन्सारीले बुधबार बिहान गरेका हुन्। घरेलु जग्गा सम्बन्धी विवाद उत्कर्षमा पुग्दा रियाजले बाबुलाई छाती र ढाडमा छुरा प्रहार गरेका थिए। घाइते अवस्थाको सचिव अन्सारीलाई तत्काल विराटनगरको गोल्डेन अस्पताल लगिएको थियो। तर, उपचारकै क्रममा उनको मृत्यु भएको प्रहरीले जनाएको छ। सुनसरी प्रहरी प्रमुख एसपी सुमनकुमार तिम्सिनाका अनुसार हत्या आरोपित छोरालाई नियन्त्
धरान/ सुनसरीको धरान उपमहानगरपालिका–१७ डाँडाघोपामा लागूऔषधसहित एक युवक पक्राउ परेका छन्। लागूऔषध कारोबार भइ रहेको विशेष सूचनाका आधारमा अस्थायी प्रहरी चौकी रेल्वेबाट खटिएको प्रहरी टोलीले टिनको छाना र टाटीले बेरेको उदय लामाको घरमा सोमबार साँझ छापा मारेको हो। प्रहरी टोलीले घर खानतलासी गर्दा ट्रामाडोल १ हजार ८ सय ७३ क्याप्सुल र डिकोलिक १ हजार ८ सय ३४ ट्याब्लेट बरामद गरेको जनाएको छ। घटनास्थलबाट धरान–१७ बस्ने २७ वर्षीय अन्जान विश्वकर्मालाई पक्राउ गरी इलाका प्रहरी कार्यालय धरानमा ल्याइएको छ। पक्राउ परेका व्यक्तिविरुद्ध लागूऔषध सम्बन्धी मुद्दामा अनुसन्धान भइरहेको प्रहरीले जनाएको छ।
धरान/ कोशीबाट धरानमा खानेपानी ल्याउने महत्त्वाकांक्षी योजना अघि बढिरहेको बेला स्थानीय सरकार प्रमुखको वेवास्ताका कारण योजना अलपत्र पर्ने अवस्थामा पुगेको भन्दै नेकपा एमाले धरानले त्यसको कार्यान्वयनका लागि सक्रिय पहल थालेको छ। सोमबार एमाले धरानले पार्टी नेता, प्रदेश सांसद, र माथिल्लो कमिटीका नेताहरूको सहभागितामा आयोजना सम्पन्न एक विशेष बैठकले कोशी खानेपानी प्रोजेक्ट संघीय सरकारको पहलमा तत्काल कार्यान्वयन गर्न माग गरेको हो। बैठकमा कोशी प्रदेशका तीन सांसद—रमेश कुमार वस्नेत, विजय कुमार राई र यशोदा कायस्थ, पूर्व संघीय सांसद जयकुमार राई, प्रदेश सदस्य प्रकाश राई तथा एमाले सुनसरीका सद
धनरा/ साउनको पहिलो सोमबारदेखि बोलबम सुरु भएसँगै धरानको पिण्डेश्वर मन्दिरमा धरान उपमहानगरपालिका–४ मा अवस्थित ऐतिहासिक तथा प्राकृतिक रूपमा अत्यन्तै रमणीय स्थल शिवजट्टाबाट जल ल्याएर चढाउने परम्पराको सुरुवात भएको छ । सोमबारदेखि यो परम्पराको सुरुवात गरिएको हो । यसको अगुवाई धरान उपमहानगरपालिका वडा नम्बर १४ र १३ ले गरेर सोमबार विधिवत रुपमा वडाध्यक्ष कृष्ण प्रसाद भट्टराई र धरान १३ नेत्र काफ्ले सहितको जनप्रतिनिधीहरुले धरानको पिण्डेश्वर मन्दिरमा शिवजट्टाको पवित्र जल ल्याएर चढाउने परम्पराको शुरुवात गरेको बताएका छन् । १४ नम्बरका वडाध्यक्ष भट्टराईका अनुसार धरानको शिवजट्टा पूर्वी नेपालको
धरान/ अन्तर्राष्ट्रिय नृत्य प्रतियोगिता मेरो डान्स युनिभर्स मा धरानकी उदयीमान नृत्य कलाकार इचिङ्सा लिम्बु उत्कृष्ट ९ मा स्थान बनाउन सफल भएकी छन्। सोमबार सम्पन्न कार्यक्रममा उत्कृष्ट प्रस्तुति दिँदै उनले निर्णायकहरू र दर्शकको मन जित्दै उत्कृष्ट ९ मा स्थान सुरक्षित गरेकी हुन्। अघिल्लो चरणदेखि सुरु भएको भोटिङ राउण्डमा निर्णायकको मूल्याङ्कन र जनमतका आधारमा उनले ५६६ अंक प्राप्त गरेकी थिइन्, जसले आगामी चरणमा अघि बढ्न सघाउनेछ। झापाको बिर्तामोडमा सम्पन्न अडिसनमार्फत प्रतिस्पर्धामा प्रवेश गरेकी इचिङ्साले विभिन्न शैलीका नृत्य प्रस्तुत गर्दै निर्णायकहरूको मन जित्दै आएकी छन्। उत्कृष्ट १३ बाट स
काठमाण्डौं/ सार्वजनिक यातायात बचाउका लागि संघर्ष समितिले सवारी तथा यातायातको सम्बन्धमा व्यवस्था गर्न बनेको विद्येयक २०८१, राष्ट्रिय यातायात नीति २०८१ र सडक सुरक्षा विद्येयक २०८१ मा संशोधनको प्रस्ताव सरकारलाई बझाएको छ । सार्वजनिक यातायात क्षेत्र बचाउ संघर्ष समिति गठन गरेर जेठ १९ र २० गते यातायात व्यवसायी र मजदुरहरुले आह्वान गरेको देशव्यापी हड्तालपछि सरकारले भौतिक पूर्वाधार तथा यातायात मन्त्रालयका सहसचिव कृष्णराज पन्तको संयोजकत्वमा सार्वजनिक यातायात सुधारका लागि सुझाव सिफारिस कार्यदल गठन गरेको थियो । यातायात मजदुर तथा व्यवसायीका माग, मुद्धा र विषयहरु समेटेर तीनवटा कानुनका सम्बन्धमा व्यवसा
