_1693980289.gif "#")
बराहक्षेत्र/ सुनसरीको बराहक्षेत्र नगरपालिका–२ मा एक जंगली भाले हात्ती मृत अवस्थामा फेला परेको छ। सोमबार बिहान स्थानीयले कौशिकी सामुदायिक वन नजिकैको मकैबारीमा हात्ती मृत भेटिएको खबर गरेपछि बराहक्षेत्र नगरपालिकाका नगरप्रमुख रमेश कार्कीले घटनाको पुष्टि गरेका हुन्। नगरप्रमुख कार्कीका अनुसार मृत हात्ती करिब ५ देखि ७ वर्ष उमेरको भाले हो। "हात्तीको मृत्युको कारण हालसम्म खुल्न सकेको छैन," उनले बताए। जिल्ला वन कार्यालय सुनसरी, कोशी टप्पु वन्यजन्तु आरक्ष र सम्बन्धित निकायको टोली घटनास्थल पुगेर अनुसन्धान थालेको छ। स्थानीय बासिन्दाले मकैबारीमा जंगली हात्ती मृत भेटिएको घटना दुर्लभ भएको भन्दै चासो
धरान/ सशस्त्र प्रहरी बलले सुनसरीको धरानबाट साढे २१ सय किलोभन्दा बढी अवैध गाँजासहित एक ट्रक नियन्त्रणमा लिएको छ। सशस्त्र प्रहरी बल, नेपाल सुरक्षा बेस धरानका अनुसार आज (सोमबार) धरान उपमहानगरपालिका–१३ स्थित कोशी लोकमार्ग खण्डबाट प्रदेश १–०२–००२ ख ०८४८ नम्बरको ट्रक नियन्त्रणमा लिइएको हो। भेडेटारबाट धरानतर्फ आउँदै गरेको उक्त ट्रक विशेष सूचनाका आधारमा रोकेर जाँच गरिएको थियो। जाँचका क्रममा ट्रकमा रहेको ३१ बोरा अदुवा र तरकारीका बोरा मुनि लुकाएर राखिएको ७० बोरा गाँजा फेला परेको सशस्त्र प्रहरीले जनाएको छ। बरामद गरिएको गाँजाको तौल करिब २ हजार १ सय किलोभन्दा बढी रहेको प्रारम्भिक
इटहरी/ सुनसरीको रामधुनी नगरपालिका–२ मा खसी चोरीको प्रयासका क्रममा खुकुरी प्रहारबाट एक युवकको ज्यान गएको छ। सोमबार बिहान करिब २ः३० बजे रामधुनी–२ शिवनगरस्थित सन्तोष चौधरीको घरमा चोरी गर्न आएका रामधुनी–४ लालपुरका ४२ वर्षीय राकेश चौधरी घाइते भएका थिए। चोरीको प्रयास भइरहेको देखेपछि घरधनीले होहल्ला गरेका थिए। होहल्ला सुनेर चौधरी भागे पनि उनलाई खेद्दै जाँदा घरधनीले खुकुरी प्रहार गरेका थिए। प्रहारले चौधरीको दाहिने हातको नाडीमा गम्भीर चोट लागेको थियो।घाइते चौधरीलाई तत्काल झुम्कास्थित साई अस्पतालमा पुर्याइएको थियो। त्यहाँबाट थप उपचारका लागि नोबेल अस्पताल विराटनगर लगिए पनि ब
इलाम/भारततर्फ तस्करी गर्न लागिएको झण्डै ३२ लाख रुपैयाँभन्दा बढीको चाँदी र सुनजस्तो देखिने पहेँलो धातु इलामको पशुपतिनगरमा सशस्त्र प्रहरीले बरामद गरेको छ। आइतबार राति करिब १२ः३० बजे सूर्योदय नगरपालिका–२ स्थित चारमाईल क्षेत्रमा गस्तीमा रहेको सशस्त्र प्रहरी टोलीले दुई भारतीय नागरिकको झोलामा शङ्कास्पद वस्तु देखेपछि चेकजाँच गर्दा धातु फेला परेको हो। सशस्त्र प्रहरी बल, पशुपतिनगरका अनुसार भारतको हिमाचल प्रदेश, कुल्लु परगनुका २८ वर्षीय अभिनाश बोध र ३५ वर्षीय रवि कुमार तस्करीको प्रयासमा संलग्न थिए। उनीहरूको साथबाट १७ हजार ४ सय ग्राम चाँदी र पहेँलो धातुका गरगहना बरामद गरिएको हो। बरामद गरिएको धा
जनकपुरधाम/ धनुषामा वैवाहिक बलात्कार (श्रीमतीमाथि जबरजस्ती करणी)को मुद्दामा श्रीमान दोषी ठहरिएका छन्। जिल्ला अदालत धनुषाका न्यायाधीश दिलकुमार वर्देवाको एकल इजलाशले श्रीमानलाई दोषी ठहर गर्दै ६ महिना कैद र १ लाख रुपैयाँ क्षतिपूर्ति तिर्ने फैसला सुनाएको हो। वैवाहिक बलात्कारको आरोपमा २०७९ चैत २१ गते श्रीमतीले धनुषा जिल्ला अदालतमा मुद्दा दायर गरेकी थिइन्। त्यसपछि २०८० साउन २१ गते पहिलोपटक मुद्दाको पेशी बसेको थियो। सोही दिन अदालतले धरौटी माग्ने आदेश दिएको थियो। कुल ३६ वटा पेशी चल्दै गएपछि अन्ततः जेठ १३ गते दोष पुष्टि भएको ठहर गर्दै सजाय निर्धारणका लागि प्रक्रियागत अगाडि बढाइएको थियो। त्यसअनु
ताप्लेजुङ/ ताप्लेजुङको मैवाखोला गाउँपालिकामा जनश्रमदान अभियानमार्फत काठेपुल निर्माण थालिएको छ । मैवाखोला–४ साँघुस्थित एकबासे नेरुवाखोला र माङमाया खोलामा अस्थायी मोटरेवल काठेपुल निर्माण सुरु गरिएको हो । गाउँपालिकाका अध्यक्ष विजयप्रकाश वनेमको अगुवाइ र स्थानीय समुदायको सहभागितामा श्रमदान अभियानमार्फत पुल निर्माण थालिएको पालिका कार्यालयले जनाएको छ । करिब तीन लाख ५० हजार बराबरको श्रमदान गरेर नेरुवाखोलामा काठे मोटरेवल पुल निर्माण हुने अध्यक्ष वनेमले जानकारी दिए । पुल बनाउँदा प्रयोग हुने भ्याकु लोडर (मेसिन), ट्र्याक्टर र तारजाली गाउँपालिकाले उपलब्ध गराउने छभने अन्य आवश्यक सामग्री सबै श्र
धरान/ पूर्वी नेपालको सुन्दर नगरी धरान अहिले गम्भीर समस्या भोगिरहेको छ। धरान–२० स्थित सुलिकोट मार्गमा पर्ने स्थानीय काली खोलामा दैनिक सयौं मानिस नुहाउने र लुगा धुने गरेका कारण त्यही खोला आसपास बसोबास गर्ने १२५ घरधुरी फोहर पानी पिउन बाध्य भएका छन्। नेपालमा मनसुन नआउँदै गर्मी अत्यधिक बढिरहेको बेला विराटनगर लगायत आसपासका ठाउँबाट समेत मानिसहरू काली खोलामा आउन थालेका छन्। गर्मी छल्न र रमाइलो गर्न खोलामा पौडी खेल्ने, साबुनसहित नुहाउने, लुगा धुने क्रमले खोलाको पानी दुर्गन्धित र प्रदूषित बनेको छ। स्थानीयहरू आक्रोशित स्थानीयवासीका अनुसार यस्तो समस्या १६&ndas
धनकुटा/ कोशी प्रदेशअन्तर्गत धनकुटामा आइतबारदेखि विभिन्न पाँच वटा सवारी रुटमा ‘टाइमकार्ड’ प्रणाली लागू गरिएको छ। सवारी दुर्घटना विशेष गरी तीव्र गतिका कारण हुने घटनालाई नियन्त्रण गर्न यो व्यवस्था सुरु गरिएको हो। साँगुरीगढी गाउँपालिका–६ स्थित भेडेटार चोकमा आयोजित विशेष कार्यक्रममा प्रमुख जिल्ला अधिकारी ९प्रजिअ० टुवराज पोखरेलले ‘टाइमकार्ड’को शुभारम्भ गरे। कार्यक्रममा साँगुरीगढी गाउँपालिकाका अध्यक्ष जितेन्द्र रुम्दाली राई, सुरक्षा निकायका प्रमुखहरू, धनकुटा नगरपालिकाका प्रमुख प्रशासकीय अधिकृत दशरथ राई, यातायात व्यवस्था कार्यालयका प्रतिनिधि, यातायात र होटल
विराटनगर/ नेपालका सातै प्रदेश सरकारले आज आर्थिक वर्ष २०८२/८३ का लागि बजेट सार्वजनिक गर्दैछन्। संवैधानिक व्यवस्था अनुसार केन्द्र सरकारले जेठ १५, प्रदेश सरकारले असार १ र स्थानीय सरकारले असार १० गतेभित्र बजेट प्रस्तुत गर्नुपर्ने प्रावधान अनुसार आज सातै प्रदेश सरकारले आ–आफ्ना प्रदेशसभा बैठकमार्फत बजेट प्रस्तुत गर्न लागेका हुन्। कोशी प्रदेश सरकारले करिब ३७ अर्ब रुपैयाँको बजेट ल्याउने तयारी गरेको छ। यद्यपि, मुख्यमन्त्री हिक्मतकुमार कार्कीका अनुसार वास्तविक आन्तरिक स्रोत भने ३३ अर्ब रुपैयाँ मात्रै रहेको छ। शनिबार झापाको गौरादहमा आयोजित कार्यक्रममा मुख्यमन्त्री कार्कीले भने, &ldquo
फिदिम/ पाँचथरको हेवाखोला क्षेत्रमा निर्माणाधीन बेलिब्रिज भाँचिँदा तीन जना मजदुरको ज्यान गएको छ भने तीन जना गम्भीर घाइते भएका छन्। शनिबार अपराह्न फिदिम नगरपालिका–४ र हिलिहाङ गाउँपालिका–७ लाई जोड्ने मेची राजमार्ग अन्तर्गतको अस्थायी बेलिब्रिज जडानको अन्तिम चरणमा पुग्दा अचानक पुल भाँचिएको हो। पुल भाँचिँदा काममा संलग्न मजदुरहरू खोलामा खस्दा ६ जना घाइते भएका थिए। घाइते सबै मजदुरलाई सुरुमा फिदिम अस्पतालमा लगिएको थियो। अवस्था गम्भीर भएपछि उनीहरूलाई थप उपचारका लागि विराटनगरस्थित नोबल अस्पताल पठाइएको थियो। नोबल अस्पतालमा उपचारको क्रममा बाराको सिमरा उपमहानगरपालिका–१२ का ३ जना मज
