धरान । दशै तिहारको बिदामा गृहकार्य स्वरुप दिइएको गृहकार्यमा विद्यार्थीहरुले तयार गरेको सचेतनामुलक सामग्रीहरुको धरान स्थित विष्णु मेमोरियल उच्च माध्यमिक विद्यालयले मिनि प्रदर्शनीको आयोजना गरेको छ ।
दशै देखि छठ सम्मको विदामा विद्यार्थीहरुले विद्यार्थीहरूले कक्षाकोठामा हासिल गरेका विभिन्न विषयको सैद्धान्तिक ज्ञान तथा सृजनात्मक क्षमतालाई व्यवहारिक रुपमा सिक्न सिकाउन गृहकार्य दिएको थियो ।
विद्यार्थीहरुलाई विविध परियोजना कार्य तथा मोडेल तयार गर्नका निम्ति दिइएको गृहकार्यका रुपमा तयार गरेका परियोजना कार्य तथा मोडेल समावेश गरि गत मंसिर १७ गते प्रदर्शनी गरिएको थियो ।
प्रदर्शनीमा विद्यार्थी र अभिभावकहरूको उपस्थिती रहेको थियो । प्रदर्शनीमा विद्यार्थीहरूले लागूऔषध दुव्र्यशनी, बालश्रम र चेलीबेटी बेचबिखन विरुद्धको सचेतनामूलक प्लेकार्ड समेत प्रस्तुत गरेका थिए ।
प्रदर्शनीले विद्यार्थीहरूको आत्मविश्वास वृद्धि गरि उनीहरुलाई पठन–पाठनमा अझ तल्लिन रहन र अन्य सृजनात्मक कार्यमा लाग्न अभिप्रेरणा प्राप्त हुने विश्वास गरिएको विद्यालयका प्रिन्सिपल निलम श्रेष्ठले बताए ।