_1693980289.gif "#")
विराटनगर/ राज्यले नीति निर्माण गर्दा प्रक्रिया अर्थपूर्ण, सहभागितात्मक र जनमुखी बनाउन अपाङ्गता भएका व्यक्तिहरुलाई पनि समावेश गराउनुपर्नेमा सरोकारवालाहरूले जोड दिएका छन् ।
नेत्रहीन युवा संघ मोरङले विराटनगरमा आयोजना गरेको राजनीतिमा अपाङ्गता भएका व्यक्तिहरूको पहुँच विषयक अन्तरक्रिया कार्यक्रममा सहभागिहरूले यस्तो बताएका हुन् ।
नीति निर्माण प्रक्रियामा अर्थपूर्ण सहभागिता हुनुपर्ने र निर्माण भएका ऐन, नियमको कार्यान्वयनमा सबैको साथ हुनुपर्ने उनीहरुले जोड दिए ।
नेत्रहिन संघका केन्द्रीय सचिब तथा सहजकर्ता कलाधर भण्डारीले राज्यले बनाउने हरेक नीतिमा अपाङ्गता भएका व्यक्तिहरुलाई पनि सहभागी गराउने खालको बाध्यकारी नियम बनाउनुपर्ने बताए ।
नेत्रहीन युवा संघ मोरङका अध्यक्ष दुर्गानाथ योगीले राजनीतिक दलहरुले अपाङ्गता भएका व्यक्तिहरुलाई पनि समावेश गरेर नीति निर्माण गर्नुपर्नेमा जोड दिए ।
नेत्रहीन युवा संघका सल्लाहकार भोजराज भुजेलले सदनमा बोल्ने सांसदहरुले पनि अपाङ्गता भएका व्यक्तिहरुले बुझने गरी ‘दोभासे’ राखिदिए जनप्रतिनिधीहरुले बोलेको कुरा अपांगता भएका नागरिकले पनि बुझ्नसक्ने बताए ।
प्रदेश सांसद विद्या चाम्लिङ्गले अपाङगताहरुको हकहितको लागि नीति निर्माणमा सहयोग पुग्ने गरि काम गर्ने प्रतिवद्धता जाहेर गरिन् ।
कार्यक्रममा प्रदेशसभा सदस्य, विभिन्न राजनीतिक दलका प्रतिनिधि, सामाजिक संघसंस्थाका प्रतिनिधिहरुको सहभागिता थियो ।
