धरान /असार महिनाको अन्तिम शनिवार धरान १४ विजयपुरमा रहेको बुढासुब्बा मन्दिरमा अत्याधिक भीड देखिएको छ ।
श्रावण महिनामा बोलबम पर्ने र बली नदिने भएकोले विशेष गरी बुढासुब्बामा भाले र पोथी बलिदिनेको संख्या अत्याधिक रहेको थियो । साउन महिनाभरि काटमार नभएका कारण बलि दिनेको संख्या अत्याधिक भएको मन्दिर व्यवस्थापन समितिका सदस्य उत्तम आले मगरले बताए ।
उनले साउन महिना बोलबमको महिना भएकोले एक महिना मन्दिरमा बलि चढाउन निषेध गरिएकाले यो शनिवार बलि चढाउनेहरुको अत्याधिक भीड रहेको बताए । उनले भने–‘असार अन्तिम शनिवार प्रत्येक बर्ष भीडभाड नै रहन्छ, एक महिनासम्म बुढासुब्बा मन्दिरमा बलि चढाउन निषेध गरिएको छ, यसले गर्दा पनि भीड बढेको हो ।’