मोरङ/ सप्तकोसीको पुलमा बस र ट्रक एक आपसमा ठोएिको छ । ठोकिँदा ट्रक भने नदीमा खसेको छ ।
पूर्वबाट पश्चिमतर्फ जाँदै गरेको मे १ ख १७६५ नम्बरको बस र पश्चिमबाट पूर्वतर्फ आउँदै गरेको मे १ ख ३००७ नम्बरको ट्रक एक आपसमा ठोकिएको थियो ।
ट्रक भने नदीमा खसेको जिल्ला प्रहरी कार्यालय सुनसरीले जनाएको छ ।
ट्रक कोसी ब्यारेजको ९ र १० ढोकाबाट सप्तकोसी नदीमा खसेको जिल्ला कार्यालय सुनसरीका प्रवक्ता डिएसपी राजकुमार राईले जानकारी दिए ।
उनले भने–‘ बिहान करिब ७: ४५ को समयमा पूर्वबाट पश्चिम तर्फ जाँदै गरेको बस र पश्चिमबाट पूर्वतर्फ जाँदै गरेको ट्रक एक आपसमा ठोकिँएको थियो । दुर्घटनामा कुनै पनि खालको मानवीय क्षति भने भएको छैन ।’
उनले ट्रक भित्र रहेको ३ जनालाई स्थानीयको समन्वयमा तत्काल उद्धार गरेको बताए ।