धरान/ धरान १४ स्थित गोपाल मन्दिरको जग्गाको पक्षमा सर्वोच्च अदालतले फैसला गरेको छ ।
अदातले २०८० जेष्ठ २२ गते मन्दिरको पक्षमा फैसाला गरेको हो ।
फैसला भएसँगै मन्दिरको जग्गा मन्दिरलाई प्राप्ति भएको छ । कल्याणी माताको नाममा बनेको समितिले २०६८ सालमा समिति नै बनाएर जग्गा अतिक्रमण गर्ने विरुद्ध गोपाल मन्दिर बचाउँ संघर्ष समितिले सर्वोच्चमा मुद्धा दायर गरेको थियो ।
कल्याणीमाताको नाममा २०६८ सालदेखि जग्गा अधिग्रहण गरी भौतिक संरचना समेत बनाइएको थियो ।
अब सर्वोच्चको निर्णयसँगै कल्याणी माताको नामममा रहेको भौतिक संरचना समेत भत्किने भएको छ ।
गोपाल मन्दिर बचाउँ संघर्ष समितिकी संयोजक पूर्णिमा राईका अनुसार समाजसेवी तथा पूर्व अञ्चलाधीश सूर्यप्रसाद उपाध्याय गोपाल मन्दिर व्यवस्थापन समितिको अध्यक्ष हुँदा २०५१ सालमा गोपालमन्दिरको नाममा जग्ग दर्ता गरिए पनि
पुन: त्यसलाई नविकरण नगरेको फाइदा उठाउँदै कल्याणी माताको नाममा जग्गा अधिग्रहण भएको थियो ।
गोपाल मन्दिरको नामाम मन्दिर परिषरको ५ कट्ठा १८ धुर जग्गा रहेको छ ।
त्यसबाहेक रामधुनी नगरपालिकामा २ विघा २ कट्टा १८ धुर, बक्लौरीमा ८ कट्ठा, सोनापुरमा ४ कट्टा १४ धुर रहेको गोपाल बचाउँ संघर्ष समितिकी संयोजक राईले जानकारी दिइन् ।
उनका अनुसार यो मुद्धा पाँच बर्ष अगाडिदेखि सर्वोच्चमा मुद्दा चलिरहेको थियो । अहिले आएर भने गोपाल मन्दिरको नाममा फैसाला भएको उनले बताइन् ।