_1693980289.gif "#")
धरान/ सिमा बिबादलाइ लिएर पुनः धरान र इटहरी उपमहानगरपालिकाका दुई मेयर बिच दोहोरी चलिरहेको छ ।
केही महिना अघि धरानका मेयर हर्कराज राइले तरहरा मास्तिर पानीपियामा धरानको सिमा प्रारम्भ भएको बोर्ड राख्न लगाएका थिए ।
लगत्तै इटहरीको तर्फबाट एमाले निकट युवा संघले बोर्ड हटाएको थियो ।
त्यसपछी दुबै नगरका मेयर बिच सिमा विवादलाई लिएर दोहोरी शुरु भएको हो ।
सिमा बिबादले नागरिक बिच द्वन्द्व निम्त्याउन सक्ने भन्दै दुबै नगरका मेयरको आलोचना हुन थाले पछि सम्बम्धित निकायलाइ पहल गर्नका लागि सुझाब आएको थियो ।
सुझाबकै आधारमा धरान उपमहानगरपालिकाको कार्यपालिका बैठकले जिल्ला समन्वय समिति सुनसरीलाइ पहल गर्ने निर्णय गरेको थियो ।
सोही समय खानेपानी ल्याउने विषयमा धरान र बराहक्षेत्र बिच चलिरहेको बिबाद सुल्झाउन सहजीकरण गर्न आएका जिल्ला समन्वय समितिका अध्यक्ष राजन मेहेताले इटहरी र धरानको सिमा विवाद समाधान गर्न सहजीकरण गर्ने बताएका थिए ।
अहिले फेरि धरान र इटहरीको सिमा विवादले दुबै नगरका मेयरहरु दोहोरी खेल्न थालेका छन् ।
धरानका मेयर राइले पुनः सोमबार बिहान नगर प्रहरीलाई पानीपियामा सिमा प्रारम्भको बोर्ड राख्न लगाए ।
धरानले बोर्ड राखेको केही घण्टा पनि नबित्दै इटहरीका प्रमुख हेमकर्ण पौडेलको निर्देशन बोर्ड हटाउन लगाइयो ।
दुबै नगरका प्रमुखले सहजीकरणको बाटो खोज्नुको साटो सामाजिक संजाल मार्फत दोहोरी खेलिरहेको स्टाटसहरु अहिले भाइरल बनेका छन् ।
बोर्ड लगाउनु अघि धरानका मेयर राइले सामाजिक संजालमा `इटहरी नगरपालिका जिल्ला समन्वय समितिले बोलाउँदा कहिल्यै नआउने ! सिमा मिच्दा अरु चुपो लागेका थिए ! म चुपो लाग्दिन अब कानुनी कारवाही अघि बढाइन्छ !
हेरौँ के बोल्दो रैछ अदालतले !´ स्टाटस लगाएको थिए । यता इतहरीका मेयर पौडेलले सामाजिक संजालमा भिडियो मार्फत दुबै नागरिक बिच कुनै द्वन्द्व भए जिम्मेवारी धरानका मेयरले लिनुपर्ने चेतावनी दिएका छन् ।
उनले भिडियोमा समन्वय र संवाद अनुसार सीमा विवाद अन्त्य गर्नु पर्नेमा धरानले मनोमानी गरेको बताएका छन् ।
छलफलबाट समाधान गर्ने विषयमा पालिका पालिका भिडाउने काम भएको पौडेलले आरोप लगाएका छन् ।
उनले भनेका छन्, `जनप्रतिनिधि भएर आए पछि दुबै नगरले गरेका कामहरुको मुल्यांकन गरौ, कस्ले कति काम गरेको छ, हेरौ ।´ ईटहरीका मेयर जिल्ला समन्वय समितिले बोलाउँदा नआउने छलफलमा भाग नलिने धरानका मेयर राइको आरोप छ ।
उनले सामाजिक संजालमा लेखेका छन्, `नापी विभागले दिएको सिमाना खोज्या हो मैले ! पहिलेका धराने मेयरहरुले सेउतीलाई सिमाना स्वीकारे भन्दैमा मैले नि मान्दिनु पर्ने छैन !
म आफ्नो क्षेत्राधिकार सुनिश्चित गर्नेछु ! कसैले अन्यथा नमान्दिनु होला !´
दुबै तर्फका मेयरहरुको दोहोरीले नागरिकहरुमा द्वन्द्व चर्काउने सम्भावना बढ्दै गए पछि जिल्ला समन्वय समितिले बिबाद समाधानको लागि समिती बनाउने भएको छ ।
समितिका सभापति राजन मेहताले अन्तरिकरुपमा गृहकार्य भइरहेको र समाधान गर्न समिति गठन गर्ने जानकारी दिएका हुन् ।
उनका अनुसार साविक हाँसपोसा गाविस हुदादेखिकै सिमा क्षेत्र अध्ययन भइरहेको, हाँसपोसा समायोजन हुँदा धरान र इटहरीमा के कति क्षेत्र गाभिएको हो भन्ने अध्ययन भइरहेको बताए ।
नापी र मालपोत कार्यालयसँग पनि यो बिषयमा आवश्यक समन्वय हुने उनले बताए ।
धरानबाट सिमा विवाद मिलाउन पहिल्यै पत्राचार भएको जानकारी दिदै अध्ययन भइरहदा पुनः नयाँ विवाद सृर्जना भएको उनले बताए ।
