ओठ तालु चिरिएकाहरुलाइ फेक्ट नेपालको बोल्ने तालिम सम्पन्न

धरान /  फेक्ट नेपालको आयोजनामा ओठ तथा मुख भित्र जिब्रो भन्दा माथीको तालु चिरिएका बिरामीहरुका लागि नि:शुल्क बोलिको तालिम बिराटनगरको रामजानकी सेवा सदनमा सम्पन्न भएको छ ।

एक हप्ता सम्म चलेको बोलिको तालिममा बिरामीहरुले खाने बस्ने सुबिधा सहित सेवा प्राप्त गरेको फेक्ट नेपालका स्पिच थेरापिस्ट शिव कुमारी राइले जानकारी दिइन ।

शिविरमा आएका बिरामीहरुका लागि डाक्टर चादनी यादबले दातको जाँच, डाक्टर सन्जिब कुमार ठाकुरले नाक कान घाटि र पहिला गरेको अप्रेसनको अवस्थाको बारेमा डाक्टर शंकरमान राइको नेतृत्वमा चेकजाँच गरिएको थियो ।

बोलिको तालिममा शिवकला राईको नेतृत्वमा , हिमाल सरि राई , निलम श्रेष्ठ , लिला राना , पुस्पा गाह , सम्झना दुरा , सबिना चौधरी , रेनुका श्रेष्ठ , लगायतको टोलिले शिविर संचालन गरेको हो ।

बिगत २२ बर्ष देखि संस्थाले हरेक ३ महिनामा हप्ता दिन सम्म शिविर संचालन गर्दै आएको छ भने हाम्रो अस्पताल बिराटनगरमा हरेक दिन बोलिको तालिम दिइने गरिएको हिमाल सरि राइले बताइन ।

तालिमको कोशी प्रदेश स्वास्थ निर्देशक ज्ञान बहादुर बस्नेतले अनुगमन गरेका थिए ।