धरान / पुख्यौली घर भोजपुर भएका हाल उदयपुरको बेलका नगरपालिका रामपुरमा बस्दै आउनु भएका तीर्थ बहादुर विक सानै उमेरदेखि पोलियो रोगबाट ग्रस्त छन् ।
रामपुरमा सानो मोवाइल पसल चलाएर आफ्ना सन्तानलाई बोर्डिङ स्कुल नै पठाउँदै आएका उनलाई जति जति रोगले ग्रस्त बनाउँदै गयो, त्यति त्यति आर्थिक अवस्था कमजोर हुदै गएको छ ।
आर्थिक अवस्था कमजोर भएकै कारण धरान १९ मा रहेको अपांग तथा सहाय केन्द्रले उहाँलाई सहयोग गरेको छ ।
सानौ उमेरमा पोलियो भएपछि समस्या भोग्दै आएका विश्वकर्मा अपांग तथा असहाय पुनस्र्थापना केन्द्रले दिएको सहयोग लिन कार्यालयमै आएका थिए ।
मोवाइल पसलबाट राम्रो फाइदा लिन नसकेपछि सडक सडकमा गीत गाएर रकम सहयोग माग्दै आएका उनलाई केही सहयोग पुगोस् भन्ने उद्देश्यले केन्द्रले १ थान ट्राइसाइकल, एक महिना पुग्ने खाद्यान्न सामाग्री र सन्तानका लागि शैक्षिक सामाग्री वितरण गरेको छ ।
आफ्ना नानीहरुलाई बोर्डिङ स्कूलमा पठाउदै गरेका उनले आर्थिक अभावकै कारण सामुदायिक विद्यालयमा भर्ना गरेको दुःखेसो पोखे ।
केन्द्रले प्रत्येक महिनाको दुईपटक यस्ता व्यक्तिको पहिचान गरेर कार्यालयमै बोलाएर सहयोग गर्ने गरेको छ ।
निस्वार्थभावनाले सहयोग गर्दै गर्दै आएको यो संस्थाको कामलाई धरानका समाजसेवीहरुले समेत प्रशंसा गरेका छन् ।
धरान १ निवासी एवम् राष्ट्रिय वाणिज्य बैंकका पूर्व प्रबन्धक वीरेन्द्र थापाले केन्द्रले पुर्याएको सहयोगको प्रशंसा गर्दै केन्द्रको कामलाई सबैले साथ दिएर अगाडि बढ्नु पर्नेमा जोड दिए ।
केन्द्रका निर्देशक सुनिल खड्काले उहाँमात्र हैन यस्ता समस्यामा भएका धेरैलाई सहयोग पु¥याएको बताए । संस्थाले उनीजस्ता धेरैलाई सहयोग पु¥याएको बताउँदै केन्द्रले क्षमता अनुसार सहयोग गर्दै जाने बताए ।
केन्द्रले अपागता भएकाको स्वाथ्य सेवा, आर्थिक अभाव भएकाहरुलाई खाद्यान्न सामाग्री, शिक्षाबाट बञ्चित भएकाहरुलाई निःशुल्क पठाइदिने व्यवस्थासँगै शैक्षिक सामाग्री वितरण लगायतका धेरै काम गरिसकेको छ ।