_1693980289.gif "#")
खाँदबारी / अविरल बर्षासँगै आएको बाढीले संखुवासभाको उत्तरदक्षिण कोशी राजमार्ग अवरुद्ध भएको छ ।
मकालु गाउँपालिका–५ को मुढे र मकालु–३ मा पहिरो खसेको छ । लगातारको वर्षाले उत्तरदक्षिण कोशी राजमार्गअन्तर्गतको खाँदबारी–किमाथाका सडकखण्ड अवरुद्ध हुदा जनजीवत प्रभावित बनेको छ ।
बाढीसँगै आएको पहिरोले विद्युत पोल बगाएको छ । विजुलीको पोल बगाउँदा मकालु गाउँपालिकामा विद्युत सेवासमेत अवरुद्ध भएको छ । यस गाउँपालिकाका सर्वसाधारण अँध्यारोमा बस्न बाध्य छन् ।
उत्तरदक्षिण कोशी सडक कार्यालयका प्रमुख सविन कोइरालाले वर्षापछिको पहिरोले उत्तरदक्षिण कोशी राजमार्गअन्तर्गतको खाँदबारी–किमाथांका सडकखण्ड अवरुद्ध भएको जानकारी दिए ।
उनका अनुसार कोशी राजमार्ग अवरुद्ध भएपछि मकालु र भोटखोला गाउँपालिकामा यातायात सेवा ठप्प भएको छ । मकालु गाउँपालिका–५ मा मुढेमा भने पहिरो हटाउने प्रयास भइरहेहेकोे प्रमुख कोइरालाले बताए ।
उनले भने–‘अहिले पनि त्यस क्षेत्रमा निरन्तर वर्षा भइरहेको छ, बर्षासँै पहिरो खस्ने क्रम पनि रोकिएको छैन, अवरोध हटाउन अझै केही दिन लाग्छ ।’
सडक अवरुद्ध भएपछि मकालु र भोटखोला गाउँपालिकाको खाँदबारीसँग सम्पर्क टुटेको छ । पहिरोका कारण सदरमुकाम खाँदबारीबाट मकालु र भोटखोला जाने दजनौं गाडीहरु बीच बाटामा अपलत्र परेका छन् ।
