दुहबी / सुनसरीको दुहबी ७ स्थित भलुवा खेल मैदानमा जारी ९ औ भलुवा गोल्ड कप फुटबल प्रतियोगिताको आज बुधबार भएको पहिलो सेमिफाइनल खेलमा सहलेश युथ क्लब सिराहाले बिरगंज युनाइटेड पर्सा लाई २-० गोल अन्तरले पाखा लगाउदैं उपाधी नजिक फाइनलमा प्रवेश गरेको छ ।
निर्धारित समय ८० मिनेटको खेलमा पहिलो हाफको ४० मिनेट सम्म दुवै तर्फबाट प्रतिस्पर्धात्मक खेल भएपनि गोल रहित बराबरी भएको थियो । दोस्रो हाफको ७ औं मिनेटमा सहलेश युथ क्लब सिराहाका खेलाडी योनेपोलियनले १ गोल गर्दै अग्रता लिएका थिए ।
लगतै १८ औं मिनेटमा सहलेश युथ क्लब सिराहाका खेलाडी समीर तामाङले १ गोल गर्दै आफ्नो टिमको बिजय सुनिश्चित गराए । खेलको उत्कृष्ट खेलाडी सहलेश युथ क्लब सिराहाका समीर तामाङ घोशित भए ।
उनलाई दुहबी नगरपालिकाका प्रमुख प्रशासकिय अधिकृत राजकुमार केसिले नगद ५ हजार तथा मेडल प्रदान गरे । भोलि बिहिवारको दोस्रो सेमिफाइनल खेल प्लानीङ ब्याइज फुटबल क्लब काठमाडौं र झापा फुटबल क्लब बिच हुने आयोजक गोल्डेन स्टार युथ क्लब भलुवा टुर्नामेन्ट समितिका अध्यक्ष शिब कुमार बिश्वासले जनाए ।
शनिबार हुने भलुवा गोल्डकप फुटबल प्रतियोगिताको फाइनल खेलमा विजेता टिमले उपाधी सहित नगद ४ लाख ट्रफी, मेडल पाउने छ भने उपविजेताले नगद २ लाख सहित ट्रफी, मेडल प्राप्त गर्नेछ ।
_1693980289.gif "#")
_Poush 22_1736170149.jpg "#")
_1734253975.jpg "#")
