सकारात्मक कार्यक्रम

  • माघ ५, २०७९
  • कोशीपत्र सम्पादक
alt

नेपाललाई अहिले पनि कृषिप्रधान देश भनिन्छ । अहिले पनि यहाँका ६० प्रतिशतभन्दा बढी मानिस कृषिमै आश्रित छन् । त्यसैले कृषि क्षेत्रकै विकासबाट यहाँ नागरिकहरूको जीवनस्तर उकास्न सकिन्छ । कृषि, पर्यटन र जलस्रोतको सदुपयोग नै हाम्रो देश विकासका प्रमुख आधार हुन् । यीमध्ये कृषिलाई प्राथमिकतामा राख्नु आवश्यक देखिन्छ । कुनै समय खाद्यान्न निर्यातकर्ता हाम्रो देश अहिले खाद्यान्न निर्यातकर्ता बन्न पुगेको छ । यो विडम्बनाको विषय बन्न पुगेको छ । कृषि उत्पादनमा आत्मनिर्भर बन्नु सरकार र सरकारी निकायहरूको प्राथमिकताको विषय बन्नुपर्छ ।  

रुस–युक्रेन युद्धपछि त कृषि उत्पादनमा आत्मनिर्भरताको आवश्यकता अझ बढी टड्कारो बन्न पुगेको छ । अहिले युद्धको परिणामस्वरूप विश्वमै खाद्य सङ्कटको अवस्था देखिन थालेको छ । आगामी दिनमा यो सङ्कट थप गहिरो बन्ने विज्ञहरूले बताउने गरेका छन् । त्यसैले बाँच्नका लागि सबैभन्दा पहिले कृषि उत्पादनमा आत्मनिर्भर हुनु आवश्यक छ । यसका लागि सबैको ध्यान कृषि क्षेत्रको विकासमा केन्द्रित हुनुपर्छ ।        

कृषिमा आधारित उद्यमलाई लक्ष्य गरी प्रदेश १ मा पाँच महिने ‘एक्सिलेरेटर प्रोग्राम’ (गतिवर्धक कार्यक्रम) सुरु भएको छ । यो सकारात्मक विषय हो । आध्यन्त फन्ड म्यानेजमेन्ट लिमिटेडको नेतृत्व र प्रदेश लगानी बोर्डको साझेदारीमा यो कार्यक्रम सुरु भएको हो । यस कार्यक्तमअन्तर्गत कृषिमा आधारित उद्यमीहरूलाई आफ्नो व्यवसाय विस्तारका लागि आवश्यक स्रोत, साधन र व्यवसायी परामर्श प्रदानका गरिने र लगानीयोग्य बन्न मद्दत गरिने समाचार प्रकाशमा आएको छ । १० जनालाई छनोट गरी १२ हप्तासम्म पूँजी, बजार र प्राविधिक सहयोग उपलब्ध गराइनेछ ।

यो सकारात्मक पक्ष हो । प्रदेश १ पाँच ‘अ’ का रूपमा चिनिने कृषिजन्य वस्तुहरू अलैंची, अर्थोडक्स चिया, अदुवा, अम्लिसो (कुचो) र अकबरे खुर्सानीको उत्पादनका लागि परिचित छ । यसका साथै यस प्रदेशमा सम्भावना भएका अन्य कृषि उत्पादनमा वृद्धि तथा स्रोतहरूको समुचित उपयोगबाट प्रदेशलाई समृद्ध बनाउने प्रशस्त सम्भावना छ । आधिकांश नागरिक कृषिमा आश्रित भएको देशमा नागरिकहरूको जीवनस्तर उकास्न पनि कृषि उत्पादनमा वृद्धि हुनु आवश्यक छ । यसका माध्यमबाट अन्ततः देशकै समृद्धि सम्भव हुनसक्छ । 

‘एक्सिलेरेटर प्रोग्राम’ को लक्ष्य पनि यही भएको हुँदा यसलाई सकारात्मक रूपमा लिनुपर्छ तर कार्यक्रमको उद्देश्य आकर्षक र सकारात्मक भएर मात्र परिणाम सकारात्मक नहुने निश्चित छ । यसअघिका आकर्षक कार्यक्रमहरूबाट प्राप्त अनुभवले पनि यही भन्छ । कार्यक्रमको प्रभावकारी कार्यान्वयनबाट मात्र परिणाम सकारात्मक आउन सक्छ । हामीकहाँ भने प्रभावकारी कार्यान्वयनको अभावमा आकर्षक योजनाहरू पनि असफल भएका उदाहरण छन् । अतः कार्यक्रमको प्रभावकारी कार्यान्वयनमा ध्यान दिनु वाञ्छनीय हुनेछ । 

 

 

एम्समा सांस्कृतिक का ...

धरान/धरानस्थित एम्स एकेडेमीमा पाँचौँ ‘एम्स कल्चरल ...

किसान कृषि यान्त्रि ...

खोटाङ / (रासस) प्रधानमन्त्री कृषि आधुनिकीकरण परियो ...

मेयर कोइराला र अमेरि ...

मोरङ / नेपालका लागि अमेरिकाका राजदूत डिन आर थोम्सनले वि ...

सामुदायिक विद्यालय ...

धरान–१६ मा ४९ वर्षअघि स्थापना भएको पञ्चायत आधारभू ...

सम्पर्क

कोशी मिडिया ग्रुप प्रालीद्धारा सञ्चालित

सुनसरी, धरान, नेपाल
पोष्ट बक्स नंः N/A

टेलिफोन

कार्यालय: ०२५-५३१४७७
विज्ञापन: ९८५-२०४७१२३

ई–मेल

[email protected]
[email protected]
[email protected]

फेसबुकमा हामी

सोसल मिडिया

कम्पनी दर्ता नम्बर: २१४८६२/७५/७६ / पान नम्बर: ६०९५३२३८८ / सुचना तथा प्रसारण विभाग: २७-२०७३/०००

अध्यक्ष: शंकरप्रसाद घिमिरे / प्रधान सम्पादक: राजेश बिद्रोही / कार्यकारी सम्पादक: गोबिन्द बस्नेत / प्रबन्ध निर्देशक: योगेशबाबु काफ्ले

Copyright © 2019 / 2023 - Koshipatra.com All rights reserved