धरान / धरान उपमहानगरपालिकाको आयोजनामा बुधबार नगरस्तरीय अन्तरमाध्यमिक विद्यालय वक्तृत्वकला प्रतियोगिता सम्पन्न भएको छ ।
२५औँ भूकम्प सुरक्षा दिवसको अवसरमा आयोजित सो प्रतियोगितामा मेघा हिमालयन स्कुलकी छात्रा मुस्कान मगर पहिलो भएकी छन् । त्यसै गरी पब्लिक हाईस्कुलकी कञ्चन खतिवडा दोस्रो र शारदा बालिका स्कुलकी रेजिना विकले तेस्रो स्थान प्राप्त गरे । विजेताहरूले क्रमशः नगद ७ हजार, ५ हजार र ४ हजार रुपैयाँका साथै प्रमाणपत्र पनि प्राप्त गरेका छन् ।
‘धरानमा भूकम्पीय जोखिम न्यूनीकरण र व्यवस्थापन’ शीर्षकमा आयोजित प्रतियोगितामा११ जना विद्यार्थी सहभागी थिए । त्यस क्रममा सहभागी सबैलाई प्रमाणपत्र प्रदा नगरिएको थियो । प्रतियोगिताका निर्णायकहरू डा सुभासचन्द्र न्यौपाने र डा दीपक न्यौपाने थिए ।धरान उमनपाअन्तर्गत शिक्षा शाखा अधिकृत मनोज भट्टराईले सञ्चालन गरेको कार्यक्रममा शाखा प्रमुख रमेशकुमार शाह प्रमुख अतिथि थिए भने अर्का शाखा अधिकृत ध्रुव खड्का पनि उपस्थित थिए ।