_1693980289.gif "#")
धरान/धरान १६ मा रहेको युएन कलेजले त्रिविद्वारा सञ्चालित बिएचएम दोस्रो र चौथो सेमेस्टरमा उतिर्र्ण विद्यार्थीहरुलाई मंगलबार सम्मान गरेको छ । होटेल म्यानेजमेन्ट संकायमा प्रदेश १ मै महत्वपूर्ण योगदान दिँदै आएको युएनकलेजले स्थापना कालदेखि नै निरन्तर प्रदेश टप गर्दै आइरहेको छ । कलेजले यस वर्षको फाइनल परिक्षामा ३.८५ जिपिए ल्याई द्वितीय स्थान ल्याएकी छात्रा जानुका राईलाई नगद १५ हजारसहित सम्मानपत्रले सम्मान गरिएको छ । यसैगरि बिएचएम दोस्रो सेमेस्टरमा प्रथम हुने दिपेश लुङ्फुङ्वा (३.८१ जिपिए), दोस्रो हुने राश्ना गुरुङ (३.८१) जिपिए र तेस्रो अर्नेश कटुवाल (३.७४ जिपिए) लाई समेत नगद पुरस्कार सहित सम्मानपत्रले सम्मान गरिएको क्याम्पस प्रमुख डम्बर कुमार तुम्बापोले जानकारी दिए ।
व्यवहारिक , आत्मनिर्भर र रोजगारमुखी शिक्षा प्रदान गर्दै आएको युएन कलेजले बिएचएम चौथो वर्षमा पनि सेमेस्टर प्रथम तथा प्रदेश द्वितीय राई सहित सेमेस्टर दित्तीय अनिस लिम्बु (३.७७ जिपिए) र तृतीय हुने बिकल सुनुवार (३.७५ जिपिए) समेत नगद पुरस्कार सहित सम्मान पत्रद्वारा सम्मान गरिएको थियो । दोस्रो र चौथो सेमेस्टरमा उतिर्ण सम्पुर्ण विद्यार्थीहरुलाई कलेजका निर्देश ज्ञानेश्वर झा, क्याम्पस प्रमुख तुम्बापो, होटेल म्यानेजमेन्ट संकायका संयोजक गगन श्रेष्ठ, प्राध्यापक सुमन बास्कोटा र प्राध्यापक अनिमेश बास्तोलाले खदा र अबिर लगाएर विद्यार्थीहरुलाई प्रोत्साहन गरेका थिए । सो कार्यक्रमको सञ्चालन प्राध्यापक सुमन बास्कोटाले गरेका थिए ।
