तीन दिनसम्म धरान उत्सव मनाइँदै "उत्सवको पहिलो दिन बुधबार (आज) सार्वजनिक विदा"

धरान/धरान स्थापना दिवसको अवसर पारेर धरानमा तीनदिने धरान उत्सव मनाइदैन । उत्सवको पहिलो दिन सार्वजनिक विदा दिइएको छ ।

धरान उपमहानगरपालिकाले मंगलबार सार्वजनिक सूचना जारी गरेर तीनदिनसम्म धरान उत्सव मनाउने र पहिलो दिन विदा दिने जनाएको हो । धरान उपमहानगरपालिकाको कार्यपालिकाको पौष ११ गते बसेको कार्यापालिका बैठकले उद्घाटनको अवसरमा विदा दिने निर्णय गरेको थियो ।

उत्सव धरान १३ पब्लिक माविको खेल मैदानमा हुने छ । उत्सवलाई भव्य र सभ्य तरिकाले सम्पन्न गर्न सबै पक्ष लागेको मूल आयोजक समितिका सदस्य सचिव भक्तिराज शर्माले बताए । उनले भने–‘तीन दिने धरान उत्सव धरान १२ को पब्लिक मावि स्कुलको खेल मैदानमा हुदैछ । उत्सवको तयारी पूरा भएको छ ।’ उनले उत्सवको तीनदिने तालिका समेत सार्वजनिक गरेको बताए । सार्वजनिक गरेको तालिका अनुसार उत्सवको पहिलो दिन बधबार ६ ः ३० बजे सेवक अभियानको संयोजनमा वाकाथन कार्यक्रम हुनुेछ ।

बिहान ७ बजे धरान ७ स्थित स्वर्गीय भुपेन्द्रराज ज्येष्ठ नागरिक पार्कको उद्घाटन, बिहान ११ बजे उत्सवस्थल पब्लिक हाईस्कुलबाट वृहत झाँकीसहित र्यालीको आयोजना, दिउँसो १ बजेदेखि उदुघाटन हुने सदस्य सचिव शर्माले जानकारी दिए । यसैगरी सोही दिन दिउँसो ३ बजेदेखि ६ बजेसम्म लोकदोहोरी प्रतियोगिता समेत हुने उनले बताए । उनका अनुसार उत्सव अवधिभर बिहान १० बजेदेखि ४ बजेसम्म स्वास्थ्य सम्बन्धी कार्यक्रम र बेलुका ६ बजेदेखि ९ बजेसम्म साँगीतिक तथा साँस्कृतिक कार्यक्रम हुने भएको छ ।