धरान/ सुनसरी क्षेत्र नं १ मा आफ्नो उम्मेद्वारलाई जिताउने लक्ष्यसहित नेकपा एमालेले ७०७ सदस्यीय शक्तिशाली निर्वाचन परिचालन कमिटी गठन गरेको छ। नेकपा एमाले निर्वाचन क्षेत्र नं १ कमिटीले मंगलबार धरान–१० स्थित सैनिक भवनमा आयोजित वृहत कार्यक्रममा कमिटी सार्वजनिक गरेको हो। नवगठित कमिटीको संयोजकमा पार्टी केन्द्रीय सदस्य मञ्जु भण्डारी सुवेदी चयन भएकी छन् भने सहसंयोजकमा प्रदीप भण्डारी रहेका छन्। कमिटीको हाई कमाण्डमा प्रदेशस्तरीय प्रभावशाली नेताहरू विजय राई, रमेश बस्नेत, मोतीराज सुनुवार, जयकुमार राई, प्रकाश राई, योग्यराज खड्का, लहरुमाया जिमी, सूर्यप्रकाश पन्धाक, सुशिला पहाडी ढकाल लगायत रहेका
धरान/ सुनसरी क्षेत्र नम्बर–१ को समग्र विकासलाई केन्द्रमा राख्दै नेपाली कम्युनिष्ट पार्टी (नेकपा)ले निर्वाचन परिचालन सचिवालय उद्घाटन गरेको छ। धरान–३ स्थित सदन रोडमा रहेको सचिवालयको सोमबार कोशी प्रदेशका पूर्व मुख्यमन्त्री तथा प्रदेश सह–इन्चार्ज राजेन्द्र राईले औपचारिक उद्घाटन गरेका हुन्। उद्घाटन समारोहमा बोल्दै राईले केन्द्र सरकारसँग आवश्यक समन्वय गर्दै सुनसरी–१ का विकास योजनालाई तीव्रता दिने प्रतिबद्धता व्यक्त गरे। धरानको दीर्घकालीन खानेपानी समस्या समाधान, सडक पूर्वाधार सुदृढीकरण तथा सुकुम्बासी समस्याको व्यवस्थित समाधान नेकपाको प्राथमिकतामा रहेको उनले स्पष्ट पारे।
धरान/ धरान उपमहानगरपालिकाको प्रशासनिक मर्यादा र संस्थागत प्रतिष्ठामाथि गम्भीर आँच पुर्याउने गतिविधिमा संलग्न भएको ठहर गर्दै उपमहानगरपालिकाले एक अधिकृत कर्मचारीमाथि कडा कारबाही गर्ने निर्णय गरेको छ। धरान उपमहानगरपालिकाका प्रमुख प्रशासकीय अधिकृत अम्बिका प्रसाद चौलागाईंको झुटो विवरण तयार गरी गैरकानुनी तरिकाले रमाना पत्र बनाउने, प्रशासन प्रमुखको नेमप्लेट फाल्ने तथा कार्यालयमा अराजक गतिविधि गर्ने कार्यमा संलग्न रहेको आरोपमा दशौं तहकी अधिकृत कर्मचारी प्रज्ञादेवी निरौला लाई कारबाही स्वरूप मुख्यमन्त्री तथा मन्त्रिपरिषद्को कार्यालय, कोशी प्रदेश फिर्ता पठाउने निर्णय कार्यपालिका बै
धरान/ प्रतिनिधिसभा निर्वाचन अन्तर्गत सुनसरी क्षेत्र नं. १ मा नेपाली कम्युनिष्ट पार्टी (नेकपा) का उम्मेदवार सूर्यबहादुर भट्टराई ‘मनोज’ चुनावी अभियानलाई तीव्र बनाउँदै घरदैलोमा निस्किएका छन्। आइतबार बिहान धरान उपमहानगरपालिका–१४ करमडाँडाबाट सुरु गरिएको घरदैलो अभियानमा भट्टराईले स्थानीय मतदातासँग प्रत्यक्ष भेटघाट गर्दै आफ्ना चुनावी एजेन्डा र भावी योजनाबारे स्पष्ट पारे। घरदैलोका क्रममा मतदातालाई सम्बोधन गर्दै उनले आफू एकता, सद्भाव र विकासको स्पष्ट खाकासहित चुनावी मैदानमा उत्रिएको बताए। धरानको दीर्घकालीन खानेपानी समस्या समाधानलाई आफ्नो प्रमुख राजनीतिक एज
धरान/ सूर्यप्रसाद भट्टराई (मनोज)को जित सुनिश्चित गर्ने लक्ष्यसहित नेपाली कम्युनिष्ट पार्टी (नेकपा)ले सुनसरी क्षेत्र नं. १ मा व्यापक चुनावी महाअभियान सुरु गरेको छ। प्रतिनिधिसभा निर्वाचनलाई लक्षित गर्दै पार्टीले ५०१ सदस्यीय निर्वाचन परिचालन समिति गठन गर्दै तयारीलाई तीव्र बनाएको हो। शुक्रबार पार्टीका केन्द्रीय सदस्य किरण राईको संयोजकत्वमा गठित उक्त समितिमा नेकपाका केन्द्रिय सदस्य जीवन राई, मुक्साहाङ मेन्याङवो, टिका कन्दङवा, उमिता बराईली, राम मान्डुपा राईसहित प्रदेश, जिल्ला तथा नगर कमिटीका पदाधिकारी र सदस्यहरू समावेश छन्। परिचालन समितिअन्तर्गत आर्थिक, प्रचार–प्रसार, युवा, महिला, अनुग
धरान/ पत्रकारहरूमाथि दुर्व्यवहार, गालीगलौज र धम्कीका कारण विवादमा परेको धरान उपमहानगरपालिकाको प्रेससँगको सम्बन्ध अब पुनः सामान्य बन्ने संकेत देखिएको छ। कार्यवाहक नगर प्रमुख अइन्द्रविक्रम बेघाले पत्रकार महासङ्घसँग तोडिएको सहकार्य पुनः सुचारु गर्ने स्पष्ट प्रतिबद्धता जनाएका छन्। प्रेस सेन्टर नेपाल, सुनसरीका अध्यक्ष तीर्थ कार्कीको नेतृत्वमा गएको टोलीले बिहीबार कावा नगर प्रमुख बेघालाई बधाईसहित बुझाएको चारबुँदे अनुरोधपत्रको जवाफ दिँदै उनले आफ्नो कार्यकालमा प्रेस स्वतन्त्रताको पूर्ण सम्मान गरिने बताएका हुन्। ‘मेरो कार्यकालमा कुनै पनि पत्रकारमाथि दुर्व्यवहार, अपमान वा गालीगलौज हुन
धरान / सुनसरी–१ अब परिवर्तनको बाटोमा अगाडि बढ्दैछ। फागुन २१ गते हुने प्रतिनिधिसभा निर्वाचनका लागि नेकपा (एमाले) ले सुनसरी निर्वाचन क्षेत्र नम्बर–१ बाट टिकाराम लिम्बू (टिका माङ्लेन) लाई उम्मेद्वार बनाएको छ। वैचारिक निष्ठा, संघर्ष र जनताप्रतिको प्रतिबद्धताका कारण माङ्लेनलाई एमालेले भरोसाको उम्मेद्वारका रूपमा अघि सारेको हो। बाल्यकालदेखि नै एमालेको विचारबाट प्रभावित टिका माङ्लेनको राजनीतिक यात्रा कुनै आकस्मिक होइन। १३ वर्षको उमेरमै एमालेको चुनाव चिन्ह सूर्यप्रति आकर्षित भएका उनी विद्यार्थी राजनीतिबाट संगठित पार्टी राजनीतिसम्म निरन्तर समर्पित रहँदै आएका छन्। अनेरास्ववियुमा आबद्ध हुँद
धरान/ सुनसरी जिल्लामा आगामी फागुन २१ गते हुने प्रतिनिधिसभा निर्वाचनका लागि चारवटै निर्वाचन क्षेत्रमा जम्मा ११२ जनाले उम्मेदवारी मनोनयन दर्ता गराएका छन । तीमध्ये सबैभन्दा बढी उम्मेदवारी सुनसरी क्षेत्र नं.४ मा परेको छ । मुख्य निर्वाचन अधिकृतको कार्यालय सुनसरी निर्वाचन क्षेत्र नं.४ मा ३४ जनाले उम्मेदवारी दर्ता गराएका छन । सो क्षेत्रमा एक लाख ३७ हजार ३४० मतदाता रहेका छन । त्यस्तै एक लाख ५० हजार ३९३ मतदाता रहेको सुनसरी निर्वाचन क्षेत्र नं.१ मा २८ जनाले उम्मेदवारी दर्ता गराएका छन । साथै निर्वाचन क्षेत्र नं.२ मा पनि २८ जनाले उम्मेदवारी दिएका छन् भने सो क्षेत्रमा एक लाख ५८ हजार ९१० मतदाता छन । यसै
धरान/ आगामी फागुन २१ गते हुने प्रतिनिधिसभा निर्वाचनका लागि सुनसरी क्षेत्र नं. १ मा आज उम्मेद्वारहरूको मनोनयन दर्ता हुँदैछ। मनोनयनसँगै यो क्षेत्र देशकै सबैभन्दा चासो र प्रतिस्पर्धायुक्त निर्वाचन क्षेत्रका रूपमा उभिएको छ। नेपाली कांग्रेसले लामो आन्तरिक रस्साकस्सीपछि क्षेत्रीय सभापति सुजेन्द्र तामाङलाई उम्मेद्वार बनाएको छ। टिकट पाएको जानकारी सामाजिक सञ्जालमार्फत सार्वजनिक गर्दै तामाङले जनताको अपेक्षा पूरा गर्ने जिम्मेवारीलाई सामूहिक र इमानदार प्रयासबाट सफल बनाउने प्रतिबद्धता जनाएका छन्। नेकपा एमालेले अन्तिम समयमा उम्मेद्वार परिवर्तन गर्दै युवा नेता टिका माङ्लेनलाई उम्मेद्वार बनाएको छ। यसअ
सुनसरी / नेकपा (एमाले)का अध्यक्ष केपी शर्मा ओली जेन–जी आन्दोलनपछि पहिलोपटक आफ्नो निर्वाचन क्षेत्र दमक आउन लागेका छन्। प्रतिनिधिसभा निर्वाचनका लागि झापा–५ बाट उम्मेदवारी दर्ता गर्न अध्यक्ष ओली आज झापा आउने कार्यक्रम रहेको छ। कार्यतालिकाअनुसार अध्यक्ष ओली बिहान १०:२५ बजे जहाजमार्फत भद्रपुर अवतरण गर्नेछन्। एमाले केन्द्रीय सदस्य तुलसी कार्कीका अनुसार भद्रपुरमै उनले झापा क्षेत्र नं. १ र ३ का नेता तथा कार्यकर्तासँग भेटघाट गर्दै निर्वाचन तयारी र पछिल्लो राजनीतिक अवस्थाबारे जानकारी लिनेछन्। त्यसपछि क्षेत्र नं. २ का लागि बिर्तामोड र क्षेत्र नं. ४ का लागि सुरूंगा पुगेर स्थानीय नेतृत्वसँग
