विराटनगर/ मोरङको रतुवामाई नगरपालिका–७ मा एक युवक मृत अवस्थामा फेला परेका छन्। झापा हल्दिबारी गाउँपालिका–२ पाराखोपीका २२ वर्षीय सुदीप यादवको शव बिहीबार बिहान स्थानीय मनोज कर्मकारको घर छेउमा रहेको बाँसको चौतारामा फेला परेको हो। इलाका प्रहरी कार्यालय सिजुवाका अनुसार यादव रतुवामाई–९ निवासी राम भट्टराईको ट्याक्टरमा काम गर्दै आएका थिए। भट्टराईकै ट्याक्टरमा कार्यरत यादव आफ्ना सहकर्मी मनोज कर्मकारका पिताको निधन भएपछि शोक प्रकट गर्न कर्मकारको घर पुगेका थिए। शव भेटिएको स्थानमा कुनै संघर्ष वा आक्रमणको संकेत नभेटिएको प्रहरीको प्रारम्भिक भनाइ छ। यादवको मुखबाट फिँज निस्किएको अवस्था
सुनसरी/ नेपाल प्रहरीको प्रहरी नायब उपरीक्षक (डिएसपी) हुँ भन्दै छ लाख रुपैयाँ ठगी गरेको आरोपमा दुई जना पक्राउ परेका छन्। पक्राउ पर्नेमा काभ्रेपलाञ्चोक चौरी देउराली–८ का ४५ वर्षीय ज्ञानबहादुर लामा उर्फ ज्ञानु तामाङ र सुनसरी इटहरी उपमहानगरपालिका–४ पाँचघरे घर भई हाल काठमाडौँको कलंकी बसोबास गर्ने ४२ वर्षीय रेवती ओझा रहेका छन्। जिल्ला प्रहरी परिसर काठमाडौँका प्रवक्ता तथा प्रहरी उपरीक्षक अपिलराज बोहराका अनुसार, "डिएसपी हुँ भन्दै प्रहरी हिरासतमा रहेका एक व्यक्तिको मुद्दा मिलाइदिन्छु भनेर उनीहरूले छ लाख रुपैयाँ ठगेको भन्ने उजुरीको आधारमा अनुसन्धान गरिएको थियो। सोही अनुसन्धानका क्रममा
सुनसरी/ सुनसरीको कोशी गाउँपालिका–६ मा ‘नैतिकवान मधेस तथा सशक्तिकरण शिक्षा कार्यक्रम’ सम्पन्न भएको छ। स्थानीय युवामा नैतिक चेतना विकास गर्ने र मधेसी समुदायको सशक्तिकरणलाई प्रवर्द्धन गर्ने उद्देश्यले उक्त कार्यक्रम आयोजना गरिएको हो। कार्यक्रमको अध्यक्षता आयोजक संस्था प्रतिनिधि रेणु साहले गरेका थिए भने कोशी गाउँपालिकाका अध्यक्ष अयुब अन्सारीको प्रमुख आतिथ्यमा कार्यक्रम सप्पन्न भएको थियो । सहायक प्रमुख जिल्ला अधिकारी विश्वराज नेपाल तथा कोशीटापु वन्यजन्तु आरक्षका प्रमुख संरक्षण अधिकृत भूपेन्द्र यादवले प्रशिक्षण प्रदान गरेका थिए । कार्यक्रममा विद्यार्थी तथा युवालाई नेतृत्व व
सुनसरी/ धरानका एक किशोरलाई भारतीय सीमावर्ती क्षेत्रमा पुर्याई मोबाइल लुटेर उनका अभिभावकसँग फिरौती रकम माग गरिएको घटनामा संलग्न रहेको आरोपमा प्रहरीले विराटनगरबाट तीन जनालाई पक्राउ गरेको छ। इलाका प्रहरी कार्यालय धरानले दिएको जानकारीअनुसार घटनामा भारतीय नागरिकको समेत संलग्नता देखिएको छ। पक्राउ परेका व्यक्तिहरूमा विराटनगर महानगरपालिका–१६ निवासी १९ वर्षीय प्रलवकुमार विक, १७ वर्षीय दीपक अधिकारी र २३ वर्षीय मुकेश सरदार छन्। उनीहरूविरुद्ध इलाका प्रहरी कार्यालय रानी, मोरङमा अनुसन्धान भइरहेको प्रहरीले जनाएको छ। प्रहरीका अनुसार सुनसरीको धरान उपमहानगरपालिका–१७ फोकल्याण्ड टापु निवा
धरान/ ताप्लेजुङको प्रसिद्ध धार्मिक क्षेत्र पाथीभरा आसपासमा मंगलबार साँझ परेको वर्षासहितको हावाहुरीले ठूलो क्षति पुर्याएको छ। काफ्ले पाटी र बलुडाँडा क्षेत्रमा हावाहुरीले घर, संरचना र सार्वजनिक सम्पत्तिमा क्षति गरेको हो। स्थानीयका अनुसार, हावाहुरीले काफ्लेपाटीमा देउमान लामाको घरको छानामा रहेका सबै जस्तापाता उडाएको छ भने दलबहादुर पौडेलको भान्साघरको छाना समेत उडाएको छ। घरका छानासँगै आसपास रहेका फलैँचा, चौतारा र होर्डिङ बोर्डसमेत उडाएको बताइएको छ। कतिपय घरका सोलार प्लेटहरू हावाहुरीले भुइँमा झारेर फुटाएको छ। माथिल्लो फेदी होटल व्यवसायी संघका अध्यक्ष इन्द्रनारायण भट्टराईका अनुसार बलुडाँ
बिर्तामोड/ झापामा छुट्टाछुट्टै स्थानमा तीन पुरुष मृत अवस्थामा फेला परेका छन्। बिर्तामोड र अर्जुनधारा नगरपालिकाका विभिन्न स्थानमा ती पुरुषको शव फेला परेको जिल्ला प्रहरी कार्यालय झापाले जानकारी दिएको छ। मंगलबार बिर्तामोड नगरपालिका–२, फुलवारी टोलस्थित पासाङ शेर्पाको मकैबारीमा बिर्तामोड–२ आदर्श टोलका अन्दाजी ३६ वर्षीय राम टुडु मृत अवस्थामा फेला परेका थिए। घोप्टो अवस्थामा भेटिएका टुडुको शवमा कुनै बाह्य चोटपटक नदेखिएको र मृत्युको कारण खुल्न नसकेको प्रहरीले जनाएको छ। यसैगरी, बुधबार बिहान अर्जुनधारा नगरपालिका–४, मदनपुरस्थित जलाधर भित्री कच्ची सडकमा अन्दाजी ४५–५० वर
झापा/ युवाहरूमाझ शारीरिक सुगठनप्रति रुचि जगाउने र नयाँ प्रतिभाहरूको पहिचान गर्ने उद्देश्यले ‘तेस्रो मिस्टर कञ्चनजंघा खुला राष्ट्रिय शारीरिक सुगठन प्रतियोगिता २०८२’ आगामी भदौ २७ र २८ गते झापाको बिर्तामोडमा आयोजना हुने भएको छ। बडी ग्यारेज फिटनेस हाउसको आयोजनामा हुने प्रतियोगिताको घोषणा मंगलबार पत्रकार सम्मेलनमार्फत गरिएको हो। दुई दिनसम्म सञ्चालन हुने प्रतियोगिताको पहिलो दिन प्रिजजिङ (पूर्व मूल्यांकन) र दोस्रो दिन फाइनल प्रतिस्पर्धा हुनेछ। ‘A Place Where Great Shape Is an Authentic Passion’ भन्ने मूल नारासहित अघि बढिरहेको बडी ग्यारेजले अन्तर्राष्ट्रिय स्तरका उपकरण र
धरान/ धरान बास्केटबल संघको आयोजना, कोशी प्रदेश खेलकुद विकास बोर्डको संयोजन, धरान उपमहानगरपालिकाको विशेष सहयोग तथा सुनसरी बास्केटबल संघको प्राविधिक सहयोगमा कोशी प्रदेश स्तरीय ओपन बास्केटबल प्रतियोगिता आयोजना हुने भएको छ। धरान १८ स्थित डिपो आदर्श बहुमुखी क्याम्पसको बास्केटबल कोर्टमा प्रतियोगिता आगामी असार ५ गतेदेखि ८ गतेसम्म सञ्चालन हुने आयोजकले जनाएको छ। प्रतियोगितामा कोशी प्रदेश का राष्ट्रिय तथा अन्तर्राष्ट्रिय खेलाडीहरूले सहभागिता जनाउनेछन्। टिमले कोशी प्रदेश अन्तर्गतका जिल्लाको मात्रै प्रतिनिधित्व गर्न पाउने व्यवस्था गरिएको छ भने बाहिरी जिल्लाबाट आउने खेलाडीहरूका लागि
धरान/ सुनसरीको धरानमा अटो टेम्पोले ठक्कर दिँदा एक महिलाको मृत्यु भएको छ । धरान उपमहानगरपालिका–१५ स्थित सेउती पुलनजिक सोमबार साँझ साढे ६ बजे पैदलयात्री ६० वर्षीया उषा तामाङलाई अटोले ठक्कर दिएको हो । महादेव चोकबाट देउरालीतर्फ गइरहेको प्रदेश १–०२–००३ ह ३७५ नम्बरको अटोले तामाङलाई ठक्कर दिएको जिल्ला प्रहरी कार्यालय सुनसरीले जनाएको छ । दुर्घटनापछि गम्भीर घाइते भएकी तामाङलाई तत्काल बीपी कोइराला स्वास्थ्य विज्ञान प्रतिष्ठान, धरान पुर्याइएको थियो । त्यहाँ प्राथमिक उपचारपछि थप उपचारका लागि मोरङको विराट शिक्षण अस्पताल लगिएकोमा राति करिब ९ः२५ बजे मृत्यु भएको प्रहरीले जनाएको
धरान/ मोरङ, झापा र उदयपुरमा प्रहरीले तीन फरक स्थानबाट लागू औषधसहित पाँच जनालाई नियन्त्रणमा लिएको छ। लागू औषधविरुद्ध चलाइएको विशेष अभियानअन्तर्गत मोरङ, झापा र उदयपुर जिल्लामा प्रहरीले पाँच जनालाई पक्राउ गरेको छ। लागू औषध नियन्त्रण ब्युरो, सम्बन्धित जिल्ला प्रहरी कार्यालयहरू र स्थानीय प्रहरी टोलीको संयुक्त सक्रियतामा उनीहरूलाई तीन फरक स्थानबाट नियन्त्रणमा लिइएको हो। मोरङको विराटनगर–१६ हुलासचोकबाट लागू औषध नियन्त्रण ब्युरो विराटनगरको टोलीले कोशी गाउँपालिका–३ का ३५ वर्षीय श्याम कुमार यादवलाई ब्राउन सुगर १.५१० ग्रामसहित पक्राउ गरेको हो। उनलाई सोमबार साँझ ६ बजे नियन्त्रणमा
