हात्ती गाउँ छिर्ने मार्गमा सडक निर्माण

बराहक्षेत्र/ पछिल्लो समय हात्तिको आतंकले जनधनको क्षती गर्न थाले पछि वराहक्षेत्रले जंगली हात्ति गाउँमा प्रवेश गर्ने मार्गमा सडकको ट्रयाक खोल्ने काम शुरु गरेको छ ।

नगरपालिकाले वडा नं २ रेल्वेलाईन पुर्व जंगल छेउ सगरमाथा क्लब भवन नजिकबाट पुनरवास जोड्ने सडकको ट्राक खोल्ने कार्य सुरु गरेको छ ।

जंगली हात्ती बस्तिमा प्रवेश गर्ने मार्गको रुपमा रहेको रेल्वेलाईन पुर्व पछाडिको क्षेत्रमा गाडि, दमकल लगाएका साधनहरु जान असजिलो हुने गरेको थियो ।

स्थानीयले उक्त स्थानमा सडकको ट्रयाक खोल्न माग गरे पछि नगरपालिकाले कामलाई अगाडि बढाएको थियो । बाटोको मार्ग बनेसंगै आवतजातमा सहज र हात्ती गाउमा पस्न समेत रोक्न उपयोग हुनेछ ।

वडा नं २ को रेल्वेलाई सगरमाथा क्लबको भवन नजिक देखि पुनरवास शान्ति चौकसम्म खोलिने ट्रयाक लम्बाई करिव डेढ किलोमिटर र चौडाई ३० फिट रहको छ ।

बाटोको मार्ग बनेसंगै अब ग्राबेलको काम समेत गरिने नगर प्रमुख रमेश कार्कीले जानकारी दिए ।

बाटोको मार्ग बनेसंगै सयौ परिवारहरुलाई प्रत्यक्ष फाइदा र स्थानीयहरुले सुरक्षित समेत भएको महसुस गर्ने भएका छन् ।