धरान/ १ सय २३ औ धरान डेको अवसरमा आयोजित इन्टर स्कुल छात्र छात्रा थ्री वाइ थ्री बास्केटबल प्रतियोगितामा २४ टिमले सहभागिता जनाउने भएका छ्न ।
धरान उपमहानगरपालिकाको आयोजनामा आयोजित बास्केटबल प्रतियोगिताको आइतबार ड्र मार्फत खेल तालिका तयार गरिएको छ ।
प्रतियोगितामा महिला तर्फ ५ र पुरुष तर्फ १९ टिमले सहभागिता जनाएका छन । पुस २३ र २४ गते सम्पन्न हुने प्रतियोगिताका महिला र पुरुष बिजेताले नगद ५ हजार, उपबिजेताले नगद २ हजार ५ सय, ट्रफी, मेडल र प्रमाणपत्र प्राप्त गर्नेछ ।
यसै गरि प्रतियोगिताका एमभिपी (उत्कृष्ट खेलाडी) अवार्ड बिजेताले ट्रफी र प्रमाणपत्र प्राप्त गर्नेछ । प्रतियोगिताको सम्पुर्ण खेल इन्डोर बास्केटबल कोर्ट धरान रंगशालामा हुनेछ । प्रतियोगितामा धरान बास्केटबल संघको प्राबिधीक सहयोग रहेको छ ।
धरान उपमहानगरले पुस २० गते देखि २४ गते सम्म उत्सवको आयोजना गरि धरान डे मनाइरहेको छ ।
खेल तालिका धरान उपमहानगरपालिका शिक्षा, युवा तथा खेलकुद शाखा प्रमुख रमेश शाह, प्रतियोगिता ब्यवस्थापक बिकाश चाम्लिङ राई, सहभागी बिद्यालय प्रतिनिधि लगायतको उपस्थितिमा तयार पारिएको थियो ।