नमुना कलेजका बिद्यार्थीले गरे म्याजिक फुटवेयरको शैक्षिक अवलोकन भ्रमण

विराटनगर/ बिराटनगरको मधुमारा स्थित नमुना कलेजका बिद्यार्थीहरुले शैक्षिक अवलोकन भ्रमण गरेका छन । कलेजका कक्षा ११ का बिद्यार्थीहरुले चप्पल उत्पादक कम्पनी म्याजिक फुट वेयरको भ्रमण गरेका हुन।

बिद्यार्थीलाई सैद्धान्तिक सगै प्रयोगात्मक ज्ञानको समेत बिकास होस भनेर भ्रमण गराइएको कलेजका प्रधानाध्यापक शिव अधिकारीले जानकारी दिनु भयो ।

भ्रमणमा चप्पल उत्पादन देखि प्याकेजिङ सम्मको तयारीका बारेमा उधोगका कर्मचारीहरुले जानकारी गराएका थिए । साथै जुत्ता चप्पल भारतमा समेत निर्यात गर्ने , कच्चा पदार्थ प्रयोग पछि बाकी सामाग्री पुन प्रयोग गरिने , गुणस्तरको नियमित चेक जाँच गरिने कम्पनीका कर्मचारीले जानकारी गराएका थिए ।

बिद्यार्थीहरुले यस्तो शैक्षिक अवलोकन भ्रमण यस अघि आफुहरुले नगरेको र नमुना कलेजमा आएको केही समयमा नै यस किसिमको भ्रमण भएकाले आफुहरुले धेरै कुरा सिक्न पाएको र यो ज्ञानले जीवन मा राम्रो प्रभाव पर्ने भन्दै खुसी ब्यक्त गरे ।

यसै बर्ष स्थापना भएको कलेजले बिद्यार्थीको चौतर्फी बिकासका लागि शैक्षिक अवलोकन भ्रमण खेलकुद , सङ्गीत जस्ता पाठ्यक्रम भन्दा बाहिरका बिषय बस्तुलाई समेत बिद्यार्थीलाई उपलब्ध गराउने कलेजका को अर्डिनेटर आर के मण्डलले जानकारी दिए ।