_1693980289.gif "#")
धरान/ धरानका एक व्यक्ति पक्राउ परेका छन् ।
ज्यान मार्ने मुद्दामा पाँच वर्षदेखि फरार रहँदै आएका उनी पक्राउ परेका हुन् ।
कोशी प्रदेश प्रहरी कार्यालय विराटनगरको अनुसन्धान समूहबाट खटिएको प्रहरी टोलीले उनलाई पक्राउ गरेको हो ।
पक्राउ पर्नेमा धरान–७ का ३६ वर्षीय पदम राई रहेको प्रहरीले जनाएको छ ।
जिल्ला अदालत सुनसरीको २०७९।१२।२४ गतेको सजाय निर्धारण फैसला आदेशले ज्यान मार्ने मुद्दामा ५ वर्ष कैद तोकिएका उनलाई पक्राउ गरिएको प्रहरीले जनाएको छ ।
उनलाई घरमै लुकिछिपी बसेको अवस्थामा पक्राउ गरेको प्रहरीले जनाएको छ । पक्राउ परेका राईलाई जिल्ला अदालत सुनसरीमा उपस्थित गराइएकोमा तोकिएको सजाय भुक्तानको लागि झुम्का कारागार पठाइएको प्रहरीले जनाएको छ ।
