माग सम्बोधन नभएसम्म नगरपरिषद बहिष्कार गर्ने चेतावनी

धनकुटा / नगरप्रमुखले बहुमत सदस्यहरुको मागलाई वेवास्ता गरेको भन्दै धनकुटामा सदस्यहरुले नगरपरिषद्को बैठक बहिष्कार गरेका छन् ।

धनकुटा नगरपालिकाका नगर प्रमुख चिन्तन तामाङले आफूहरुको माग सम्बोधन नगरेसम्म नगरपरिषदको बैठक बहिस्कार गर्ने चेतावनी दिएका हुन् ।

लोकतान्त्रिक गठबन्धनका तर्फबाट निर्वावाचित जनप्रतिनिधिहरुले मंगलबार पत्रकार सम्मेलनको आयोजना गर्दै यस्तो चेतावनी दिएका हुन् ।

नगरप्रमुखले बहुमत सदस्यहरुको मागलाई अपहेलना गरेको उनीहरको आरोप छ । प्रेस विज्ञप्ती प्रकाशित गर्दै उनीहरुले धनकुटा नगरको विकास र सम्मृद्धीका लागि कार्यपालिकाको बैठकबाट प्रस्ताव तथा निर्णयहरु गर्ने गराउने र नगरवासीहरुको हितका लागि सम्पूर्ण कार्य गर्न कार्यपालिका मार्फत पहल गर्ने प्रतिबद्धता सदस्यहरुले गरेका छन ।

उनीहरुले अहिले भएको खानेपानी उपभोक्ता समिति तत्काल विगठन गर्नुपर्ने, लेखा समितिको कार्यविधि बनाई तत्काल कार्यान्वयन गर्नुपर्ने तथा नगरपरिषदबाट गत बर्ष पास भएका विषयहरु तत्काल कार्यान्वयन गर्नुपर्ने लगायतका माग राखेका छन ।

उनीहरुले राखेका मागलाई वेवस्ता गरिएमा चरणबद्ध आन्दोलनका कार्यक्रमहरु घोषणा गर्ने चेतावनी समेत दिएका छन ।