काठमाडौं / बरिष्ठ मुटुरोग विशेषज्ञ प्रा.डा.अरुण सायमीले अब काठमाडौंको सिनामंगल स्थित काठमाडौं मेडिकल कलेजबाट बिरामीलाई उपचारको सेवा दिने भएका छन् ।
चार दशक अघिदेखि मुटुरोगीहरुको उपचारमा निरन्तर सक्रिय भएर लागिपरेका नेपालका प्रसिद्ध डा.सायमी केएमसीमा आवद्ध भएका छन । प्रा.डा.सायमी केएमसीमा आवद्ध भएकाले उनले साउन १ गतेदेखि उपचारको सेवा सुरु गर्ने केएमसीका अध्यक्ष सोइना शर्माले बताएका छन ।
उपचार सेवालाई थप स्तरीय बनाउँदै लगेको केएमसीले डा.सायमीलाई भित्र्याएर मुटुरोग विभागलाई थप मजबुत बनाउँन लागेको बताए । शहीद गंगालाल ह्दय केन्द्रका संस्थापक अध्यक्ष समेत रहेका सायमीले २१ वर्ष प्रधानमन्त्रीको निजी चिकित्सकको रुपमा काम गरेका थिए । उनले एमवीबीएस, एमडी र डीएम सम्मका विद्यार्थीलाई समेत पढाउँने गरेका छन् ।