महानगरलाई डस्विन प्रदान

मोरङ/ विराटनगर तीनपैनीस्थित हाजी इन्जिनियरिङ एण्ड ग्रिल वर्कसपले विराटनगर महानगरपालिकालाईे डस्विन प्रदान गरेको छ ।सोमबार आयोजित एक समारोहका बीच मेयर नागेश कोइरालालाई डस्विन हस्तान्तरण गरिएको हो ।

पहिलो चरणमा महानगरलाई १० थान डस्विन प्रदान गरेको वर्कसपका सञ्चालक मोहम्मद अनवर अन्सारीले बताए । महानगरलाई चार महिनाभित्र १ सय २५ थान डस्विन प्रदान गरिसक्ने उनले प्रतिवद्धता व्यक्त गरे ।

उनले महानगरले जारी राखेको सरसफाई अभियानमा सहयोग पुगोस् भन्ने उद्देश्यले निःशुल्क डस्विन प्रदान गरेको जानकारी दिए ।एउटा डस्विन निर्माण गर्दाे १२ हजार ५ सय खर्च लाग्ने उनले बताए । सो अवसरमा मेयर कोइरालाले डस्विन प्रदान गरेकोमा धन्यवाद दिए ।