मेयर कोइरालाको नेतृत्वमा अनुगमन

मोरङ / विराटनगर महानगरपालिकाका मेयर नागेश कोइरालाले विराटनगरका विभिन्न वडामा चालु आर्थिक वर्षको बजटेबाट सम्पन्न योजनाहरुको अनुगमन गरेका छन् ।

उपमेयर शिल्पा निराला कार्की र प्राविधिकसहित विभिन्न वडा पुगेका मेयर कोइरालाले सडक र सामुदायिक भवनहरुको अनुगमन गरेका हुन् ।अनुगमनका क्रममा मेयरसहितको टोलीले ठेक्का सम्झौताअनुसार काम भए नभएको जानकार लिएको थियोे ।

उनले सम्झौताअनुसार काम नभएसम्म भुक्तानी नदिनसमेत निर्देशन दिए । अधिकांश ठाउँमा सम्झौताअनुसार काम भए पनि केही ठाउँमा भने नभएको पाइएको मेयर कोइरालाको भनाइ थियो । उनले सम्झौताअनुसारको काम नभएसम्म महानगरबाट भुक्तानी नदिने प्रस्ट पारे ।

सोमबार वडा नम्बर १,२,६, ७,९ र ११ नम्बर वडाका करिब २२ वटा योजनाहरुको अनुगमन गरिएको उपमेयर निरौलाले जानकारी दिइन। अनुगमनमा वडा नम्बर ७ का वडाध्यक्ष मधुबाबु तिवारी,११ का तीर्थेन्द्र नेउपाने ८ का राम पोखरेल,९ का विश्वनाथ भगत,६ का हरिश्चन सहनीइन्जिनियर  अर्जुन थापासहित प्रमुख र उपप्रमुखको सचिवालयको टिम तथा प्राविधिकहरुको सहभागिता रहेको थियो ।