विराटनगर / नेपाल पोषण तथा आहार विज्ञान विद्यार्थी समाज धरानले पोषण सचेतना सहित निःशुल्क स्वास्थ्य शिविर आयोजना गरेको छ ।
विराटनगर वडा नम्बर १ स्थित दुर्गा मन्दिरमा आयोजित कार्यक्रममा विराटनगर महानगरपालिकाका सामाजिक विकास समितिका संयोजक काजीबहादुर बस्नेतले शिविरको उद्घाटन गरेका हुन ।
बस्नेतले वडा नम्बर १ को शिक्षा र स्वास्थ्यमा पछाडि परेको स्थान छनौट गरेर स्वास्थ्य शिविर आयोजना गरिएको बताउन भयो । वडा नम्बर १ का अध्यक्ष समेत रहेका बस्नेतले शिविरमा स्वास्थ्य जाँच सँगै आहार विहार र दैनिकी जीवन शैलीका विषयमा पनि जानकारी प्राप्त हुने बताएका ।
त्यस्तै गरि महानगरको स्वास्थ्य महाशाखा प्रमुख हैदर अलीले गर्भावस्था भन्दा अगाडि देखि नै खानपान, स्वास्थ र सरसफाई राम्रो भयो भने जन्मिने बच्चा पनि स्वस्थ हुने बताएका छन ।
उनले आहारविहार र खानपानमा समेत ध्यान दिनु पर्नेमा जोड दिएका छन । शिविरमा तौल, बोसोको मात्रा,सुगर, प्रेसर, ब्लड ग्रुप लगायतको जाँच गरिएको थियो। जाँच गर्न आएका सेवाग्राहीलाई परामर्शसमेत दिइएको आयोजक संस्थाका अध्यक्ष रोशन तिम्सिनाले बताएका छन ।