_1693980289.gif "#")
धरान/धरान १४ विजयपुरको एक घरमा राखेको परालमा आगलागी भएको छ । धरान १४ विजयपुरस्थित नयाँ टोलमा रहेको लक्ष्मी श्रेष्ठ र गोपी तिम्सिनाले राखेको परालको थुप्रोमा आगलागी हुँदा ४० हजार बराबरको क्षति भएको धरान उपमहानगरपालका वडा नं. १४ का वडाध्यक्ष कृष्णप्रसाद भट्टराईले बताए ।
यता परालधनीहरुले भने आगलागीको कारण खुल्न नसके पनि केटाकेटीले सलाइ वा लाइटर खेलाउने क्रममा आगो लगाएको हुनसक्ने अनुमान गरेका छन् । पराल धनी विजय तिम्सिनाले आगो चाडो नियन्त्रण नभएको भए घरमा समेत ठूलो क्षति पुग्ने अवस्था रहेको बताए । उनले धरान उपमहानगरपालिकाको दुई वटा दमकलले आगो नियन्त्रणमा लिएको बताए । लामो समयेखि पशुपालन गर्दै आएका श्रेष्ठ र तिम्सिनाले आगो साँझ ४ बजेतिर लागेको बताएका छन् । सुख्खा समय भएकोले आगलागीका घट्ना हुने भएकोले शतर्क रहनुपर्ने वडाध्यक्ष भट्टराईले बताए । सानो गल्तिले पनि ठूलो क्षति हुने भएकोले वडाबासीलाई शर्तक हुन आग्रह गरे ।
